လမ်းခွဲ လမ်းကွဲ လမ်းလွဲ

ပြောပါရစေဗျာ။ အခုရက်ထဲ ကျုပ်တို့ ရွှေပြည်ကြီးရဲ့ နိုင်ငံရေး ဇာတ်ခုံမယ် အ၀င်အထွက်တွေက ကြမ်းလှ ရမ်းလှပါကလားကွယ် ရို့။ သိတယ်နော်။ နေပြည်တော် မှာ အာဏာရပါတီကြီးဖြစ်တဲ့ပြည်ခိုင်ဖြိုးက ပါတီရဲ့ဥက္ကဋ္ဌသူရဦးရွှေမန်းနဲ့ ဗဟိုအလုပ်အမှုဆောင် ၁၂ ဦးကို ဆိုင်းမဆင့် ဗုံမပါဖယ်ရှားပစ်လိုက်သတဲ့။ ပါတီတွင်းကိစ္စဆိုပေတဲ့ တစ်တိုင်းပြည်လုံးလှုပ်လှုပ်ရှားရှားဖြစ်သွားတာတော့ အမှန်ပဲဗျို့။ မဖြစ်လည်း ခံနိုင်ရိုးတဲ့လား။ နေပြည်တော်မှာရှိတဲ့ ပြည်ခိုင်ဖြိုး ပါတီရုံးချုပ်ဆီမယ် သြဂုတ် ၁၂ ရက် ည ၈နာရီလောက်မှာက တည်းက ကားအ၀င်အထွက်တွေ များနေတယ်။ ရဲတပ်ဖွဲ့၊ လုံခြုံရေး အစောင့်အကြပ်တွေလည်း ထူထူ ထပ်ထပ်ချထားတယ်။ ဆိုတော့ ကာ ဒါဟာ ပါတီတွင်းမှာတစ်ခုခု တော့ဖြစ်နေပြီဆိုတဲ့ သင်္ကေတပဲ ဟဲ့ဆိုပြီး သတင်းတွေက ထွက်လာ သမို့လား။ ဒီနေရာမယ် မေးခွန်း ထုတ်စရာတစ်ခုက နိုင်ငံရေးပါတီ တစ်ခုရဲ့ မူဝါဒပိုင်းအပြောင်းအလဲလုပ်ကြရာမှာ ဘယ့်နှယ် ကြောင့်များ ရဲတပ်ဖွဲ့တွေက လုံခြုံ ရေးပေးရသလဲပေါ့ဗျာ။ အာဏာ ရပါတီမို့ အာဏာနဲ့ လုပ်ခွင့်ရှိသ လားတော့ မသိပေါင်။ ပြီးတော့လည်း ပါတီတွင်း အပြောင်းအလဲလုပ်တာ ညကြီး သန်းခေါင်မှာလုပ်တာကလည်း ပုံ စံတော့မကျဘူးပေါ့ဗျာ။ အမှန်က ပါတီညီလာခံလေးဘာလေးခေါ်၊ အများဆန္ဒနဲ့အညီ ဆုံးဖြတ်စ သည်ဖြင့် ဖြုတ်တာ၊ ထုတ်တာ တွေကို ဣနြေ္ဒရရလုပ်သင့်ကြတာ ပေါ့။ ပြောသာပြောရတာပါ။ တ ချို့ လူကြီးမင်းတွေကလည်း နိုင်ငံ ရေးနယ်ထဲ ကူးသာကူးလာခဲ့တာ။ အခုအချိန်ထိ တိုက်ပွဲဝင်စိတ် ဓာတ်က မပျောက်သေးဘူးထင်ပါ ရဲ့။ ပါတီတွင်းရာထူးနေရာပြင် ဆင်ဖွဲ့စည်းတာတောင်မှ ကွန်မန် ဒိုအကွက်တွေခင်ဗျ။ သန်းခေါင်ယံစီးနင်းတိုက်ခိုက်မှုလို့ပဲ ပြောရ တော့မလား။ ဘာပဲဖြစ်ဖြစ်ပေါ့လေ။ အခု လို သူရဦးရွှေမန်းရယ်၊ သူနဲ့နီးစပ် မှုရှိတယ်လို့ဆိုတဲ့ အလုပ်အမှု ဆောင် ၁၂ဦးရယ်ကို ပြည်ခိုင်ဖြိုး က ဘာကြောင့်ရုတ်တရက်ဖယ် ရှားပစ်လိုက်ရတာလဲဆိုတာဟာ ပြည်သူတွေကြားမှာ စိတ်ဝင်စားမှု အတော်များတယ်။ ပြည်ခိုင်ဖြိုးပါတီရဲ့ တာဝန်ရှိသူတွေကတော့ ပြောတာပဲ။ ဦးရွှေမန်းအနေနဲ့ လက်ရှိမှာ ပါတီဥက္ကဋ္ဌရာထူးကို ပူးတွဲထမ်းဆောင်နေရသလို တခြားတစ်ဖက်မှာ ပြည်သူ့လွှတ် တော်ရဲ့ ဥက္ကဋ္ဌအဖြစ်နဲ့ရော ပြည် ထောင်စုလွှတ်တော်ရဲ့ နာယက အနေနဲ့ပါ ကြီးလေးတဲ့တာဝန် တွေကို ထမ်းဆောင်နေရတာဖြစ် တဲ့အတွက် မကြာခင်လာမယ့်ရွေး ကောက်ပွဲမှာ ပါတီအောင်နိုင်ရေး ကို ဖိဖိစီးစီးထိထိရောက်ရောက် စည်းရုံးနိုင်အောင်ပြင်ဆင်ဖွဲ့စည်းရတာဖြစ်ပါတယ်လို့ဆိုသဗျ။ ဒီမှာ ပါတီဘက်ကပြောတာ နဲ့ သမ္မတဦးသိန်းစိန်ရဲ့ပြောခွင့်ရ သူဖြစ်တဲ့ ဦးရဲထွဋ်ရဲ့အပြောဟာ ကွဲလွဲချက်တွေနည်းနည်းရှိနေ တယ်။ သူကတော့ သူရဦးရွှေမန်း ဆီက အာဏာသိမ်းလိုက်တယ်ဆို တာမဟုတ်ပါဘူးတဲ့။ ပါတီဥက္ကဋ္ဌ က ဦးသိန်းစိန်ဖြစ်ပြီး လက်ရှိမှာ သမ္မတရာထူးကို ထမ်းဆောင်နေ ရတာဖြစ်တဲ့အတွက် ဦးရွှေမန်းကို ပါတီစည်းမျဉ်းအရ လွှဲပေးတာ။ နို့ပေတဲ့ ဦးရွှေမန်းဟာ ပါတီဥက္ကဋ္ဌ ကို တာဝန်ယူစဉ်မှာ ပါတီတွင်း သဘောထားကွဲလွဲမှုတွေဖြစ်လာ တယ်။ ပါတီတွင်းမှာ ဒီမိုကရေစီ မရှိဘဲ တစ်ဦးချင်းသဘောနဲ့ လုပ် တာ၊ ပါတီရန်ပုံငွေသုံးစွဲမှုမှာ ပွင့် လင်းမြင်သာမှုမရှိတာ၊ လွှတ် တော်တွင်းလုပ်ငန်းတွေဆောင် ရွက်ရာမှာ ဖွဲ့စည်းပုံအခြေခံဥပ ဒေကို လေးစားလိုက်နာမှုမရှိတာ တွေဖြစ်လာကြောင့်ရယ်၊ လွှတ် တော်ကိုယ်စားလှယ်ပြန်လည်ရုပ် သိမ်းခြင်းဥပဒေနဲ့ ပတ်သက်ပြီးအ ချိန်ဆွဲဖင့်နွှဲနေတာတွေကြောင့် မဲဆန္ဒရှင်တွေဘက်က ယုံကြည်မှု လျော့လာတာတွေရယ် အစရှိ သဖြင့်ပေါ့ဗျာ။ အဲဒါတွေကြောင့်ဖြစ်ပါတယ်ဆိုပြီးဖြေသွားတယ်။ အနှာလိုအပြောအဆိုများ ကို ကြည့်ခြင်းအားဖြင့် ဦးရွှေမန်း ကို ဖယ်ရှားခြင်းနဲ့ ပတ်သက်ပြီး ပါတီဘက်ကပြောတာနဲ့ ဦးရဲထွဋ် ပြောတာရဲ့ ကြားမှာ ကွဲလွဲမှုတွေ ရှိတယ်။ ဦးရဲထွဋ်ရဲ့အပြောကပို ပြီးဖြစ်နိုင်ခြေရှိတယ်။ ဦးရွှေမန်း ကို ပါတီက မကြိုက်လို့ဖယ်ရှား လိုက်တာပဲ။ဘာကြောင့် မကြိုက်တာလဲဆိုတာနဲ့ ပတ်သက်ရင်တော့ ဦးရဲထွဋ်ပြောဆိုတဲ့ အချက်တွေတင်မက တခြားအကြောင်းအချက်အများကြီးရှိလိမ့်ဦးမှာပဲ။ ဒီအထဲက အထင်ရှားဆုံးအ ချက်ကတော့ သူရဦးရွှေမန်းအနေ နဲ့အတိုက်အခံခေါင်းဆောင်ဒေါ် အောင်ဆန်းစုကြည်နဲ့ နီးနီးကပ် ကပ်ဆက်ဆံရေးရှိတာကလည်း တစ်ကြောင်းပါတာပေါ့ဗျာ။ ပြီး တော့ အခုဦးရွှေမန်းနဲ့အတူ ခေါင်း ဆောင်ပိုင်းက ဖယ်ရှားခံရတဲ့အ ထဲမှာပါတဲ့ သူရဦးအောင်ကိုဆို ရင်လည်း လွှတ်တော်မှာအခြေခံ ဥပဒေပြင်ဆင်ရေးဘက်မှာ တပ် မတော်သားကိုယ်စားလှယ်တွေနဲ့ ဆန့်ကျင်ကွဲလွဲတဲ့အမြင်ရှိတဲ့ ဘက်က ထုတ်ဖော်ပြောဆိုခဲ့တာ တွေလည်းရှိသကိုး။ သို့ကလိုဖြစ် တာကြောင့် သူတို့ကို ပါတီဦး ဆောင်မှုအပိုင်းမှာ ဆက်ထားရင် ရေရှည်မလွယ်ဘူးဆိုပြီးသူတို့အ ထဲမှာ တွေးလာတဲ့သူတွေကလက် ဦးမှုယူလိုက်တယ်လို့ တွေးကြည့် ရင်လည်းဖြစ်တာပဲ။ ဒါကရိုးရိုး တွေးကြည့်တာ။ ဆန်းဆန်းပြားပြားတွေး ကြည့်ရရင် အစိုးရက ဦးရွှေမန်း ကိုဗန်းပြပြီး အများပြည်သူအမြင်မှာ ဒေါ်အောင်ဆန်းစုကြည်နဲ့ ဆက်ဆံရေးပြေပြစ်သယောင်၊ နားလည်မှုရရှိထားသယောင် ထုတ်ကစားပြီး တစ်ဖက်ကလည်း ဦးရွှေမန်းကတစ်ဆင့် လက်ရှိအစိုးရဟာ ပျော့ပျောင်းပါတယ်။လက်တွဲအလုပ်လုပ်လို့ဖြစ်ပါတယ်ဆိုပြီး ထင်မြင်လာတဲ့အချိန်ကျမှ သစ်စိမ်းချိုး ချိုးပြီးသကာလကန့်ကန့်ကာနောက် ဆွဲသွင်းလိုက်တာမျိုးလား။ ဒီလိုနည်းနဲ့အတိုက်အခံကို မျက်လှည့်ပြတာလည်း မလုပ်ဘူးလို့ ဘယ်သူပြောနိုင်မှာလဲ။ တကယ်လို့သာ ဦးရွှေမန်းနဲ့ ဒေါ်အောင်ဆန်းစုကြည်ကြားမှာ ၂၀၁၅ရွေးကောက်ပွဲအလွန်မှာ တစ်စုံတရာနိုင်ငံရေးပူးပေါင်းဆောင်ရွက်ဖို့အတွက် နားလည်မှုရယူထားတာတွေရှိခဲ့မယ်ဆိုရင်တော့ ဦးရွှေမန်းတစ်ယောက် ပါတီမှာ ရာထူးပြုတ်သွားခြင်းအားဖြင့် သဲထဲရေသွန်ဖြစ်ပြီပေါ့လေ။ ပြီးတော့လည်း ကြည့်ဦးဗျာ။ ပါတီတွင်းမှာ ဦးရွှေမန်းတို့ကို ရာ ထူးက ဖယ်ရှားပြီးအစားသွင်း လိုက်တဲ့သူတွေဟာ တပ်မတော် မှာ ရာထူးကြီးကြီးရယူခဲ့သူတွေဖြစ်ပြီး အခုလာမယ့်ရွေး ကောက်ပွဲမယ် ၀င်ပြိုင်မယ်ဆိုပြီး လုပ်နေကြတဲ့ စစ်ဗိုလ်ချုပ်ကြီး တွေပဲခင်ဗျ။ သူတို့ထဲက တချို့ ဟာ စာဖတ်နေသူကြီးနဲ့ နီးစပ်ပတ် သက်ဆက်နွှယ်ရာအရင်းအချာ တွေလို့လည်း နိုင်ငံရေးအကဲခတ် သူတွေပြောတာကြားရတာပဲ။ သဟာလိုဆိုရင် ဒါဟာဘာ သဘောလဲ။ ဘာရည်ရွယ်ချက်ရှိ သလဲ။ ဦးရွှေမန်းနဲ့ သူ့အပေါင်းအ ပါတချို့ဟာ လွှတ်တော်ထဲမှာ အ နေကြာလို့ အရပ်သားအမတ်တွေ နဲ့ နီးစပ်ပြီးသကာလ အရပ်သား စိတ်ပေါက်လုနီးနီးဖြစ်နေတဲ့အ တွက် ပါတီရဲ့ရပ်တည်ချက်ပျော့ စိစိဖြစ်လာတာကိုအချိန်မီ ထိန်း သိမ်းကာကွယ်လိုက်ခြင်းလား။သို့ ကလို ဖြုတ်ထုတ်ဖယ်ရှားလူစား လဲထားတာတွေ လုပ်လိုက်ပြီးသ ကာလ လာမယ့်ရွေးကောက်ပွဲမှာ အထင်ကရပါတီဖြစ်တဲ့ အမျိုး သားဒီမိုကရေစီအဖွဲ့ချုပ်ကို အ ပြုတ်နှံမယ်ဆိုတဲ့ စိတ်ကူးစိတ် သန်းလား။ သေချာတာကတော့ အခုသူရဦးရွှေမန်းကို ပါတီတွင်း ဦးဆောင်မှုနေရာက ဖယ်ရှား လိုက်တာဟာ သူတို့အချင်းချင်း ကြား ကွဲကြပြဲကြတာက အစိတ် အပိုင်းတစ်ခုအနေနဲ့ ပါမှာဖြစ်သ လို အဲသဟာနဲ့အတူ နောက်ထပ် နိုင်ငံရေးအခင်းအကျင်းတစ်ခုကို စတင်ခင်းကျင်းတင်ဆက်ဖို့အ တွက် အစပြုတာလည်းဖြစ်နိုင် တာပဲ။ ဒါကို မျက်ခြည်မပြတ်ဖို့ လို အပ်ပါသဗျ။ နောက်တစ်ခုက ဦးရဲထွဋ် ပြောသွားတဲ့စကားထဲမယ် ဦးရွှေ မန်းအနေနဲ့ လွှတ်တော်အမတ်အ ဖြစ် ပြန်လည်ရုတ်သိမ်းခွင့်ဥပဒေ ကြမ်းကို အတည်ပြုပြဋ္ဌာန်းဖို့ရာ ဟိုလိုလို ဒီလိုလိုလုပ်နေတာက လည်း ပြစ်ချက်တစ်ခုအနေနဲ့ ပါ ၀င်နေတယ်။ ပြီးတော့လည်းဦး ရွှေမန်းကို ပါတီတွင်းရာထူးက ဖယ်ရှားပြီး ချက်ချင်းဆိုသလိုပဲ ရွေးကောက်ပွဲကော်မရှင်ဥက္ကဋ္ဌ ဦး တင်အေးက အနှီဥပဒေကြမ်းကို အမြန်ပြဋ္ဌာန်းပေးရမယ်ဆိုပြီး ဦး ရွှေမန်းကိုတောင်းဆိုလိုက်တယ်။ ဘာကြောင့်များသူတို့ဟာ လွှတ် တော်အမတ်အဖြစ်က ရုတ်သိမ်း တဲ့ဥပဒေကို မြန်မြန်အတည်ပြု ပေးစေချင်ရတာလဲ။ ပြီးတော့ဦး ရွှေမန်းကိုအခုလို အနိမ့်စံဘ၀မှာ ထားပြီးဥပဒေကို အမြန်အတည် ပြုပေးဖို့ပြောတာဟာလည်း မြေနှိမ့်ရာလှံစိုက်ပြီးအကျပ်ကိုင်ဖိ အားပေးရာ ရောက်မနေဘူးလား။ ဒီကနေ ဆက်တွေးရင် လွှတ်တော်ဥက္ကဋ္ဌကိုပြန်ပေးဆွဲပြီး လွှတ်တော်တစ်ခုလုံးကို အကျပ်ကိုင်တာနဲ့တူနေတယ်ဗျ။ စိတ်လှုပ်ရှားစရာတော့ကောင်းတယ်နော်။ မင်းသားကြီးဦးရွှေဘရဲ့ရုပ်ရှင်ကား တွေထဲက သမ္မတ လူကြမ်းအဖွဲ့ရဲ့ လုပ်ပေါက်မျိုးတွေကျနေတာပဲ။ ကျုပ်တို့အဖို့ကတော့ ‘‘မင်း တို့ ပရိယာယ် ငတင့်တယ် နား ၀ယ်မလည်ရှာ’’လို့သာပြောရမှာပဲဗျ။ တိုင်းပြည်မှာ အခုတစ်လော ကလည်း ခွဲကြမယ်၊ ကွဲကြမယ် ဆိုတာချည်းပဲ။ ဟိုတစ်ရက်က လည်းအမျိုးသားဒီမိုကရေစီအဖွဲ့ချုပ်က ပါတီကိုယ်စားလှယ် လောင်းရွေးရာမယ် ဦးကိုကိုကြီး တို့လို ၈၈မျိုးဆက်ကျောင်းသား ခေါင်းဆောင်တွေကို မရွေးချယ် လို့ သတင်းစာတွေမှာ ရေးကြ တယ်။ ၈၈ မျိုးဆက်နဲ့အမျိုးသား ဒီမိုကရေစီအဖွဲ့ချုပ်တို့ရဲ့ ‘‘ကတ္တီ ပါလမ်းခွဲ’’တဲ့ လမ်းခွဲကြပြီပေါ့ လေ။ မပူးပေါင်းဖြစ်တော့ဘူး။ ဟောဗျာ။ အခုပြောခဲ့တဲ့ ပြည်ခိုင်ဖြိုးကလည်း အားကျမခံ ထင်ပါရဲ့။ ‘‘ဘယ်သူခွဲခွဲတို့မကွဲ၊ ကိုယ်သာသာပဲ ကွဲကြမည်’’ဆိုပြီး သကာလ ဖြုတ်ထုတ်ဖယ်ရှားတွေ လုပ်သလေ။ ဦးရွှေမန်းကို သဘော ထားပျော့တယ်ထင်ပြီး အတိုက် အခံနဲ့ နီးစပ်နေတာကို မလိုလား လို့ ကွဲအောင်ပဲ ခွဲသလား။ သူတို့ ဘာသာ ကွဲချင်လို့ပဲ ကွဲသလားမ သိဘူး။ အခုတော့ ခွဲတဲ့သူလည်း ခွဲ၊ ကွဲတဲ့သူလည်း ကွဲကြပေါ့ခင် ဗျာ။ ဒီမိုကရေစီအင်အားစုတွေ ကြားမှာတော့ ညင်ညင်သာသာမ သိမသာဣနြေ္ဒရရမို့ ကတ္တီပါလမ်း ခွဲတဲ့။ ယခုအခါ အာဏာရပါတီ ကြီးရဲ့ ဖြုတ်ထုတ်ဖယ်ရှားလူစား ထိုးပြီးသကာလ ကွဲတာမျိုးကျတော့ဘယ် လိုနာမည်ပေးမလဲ သိချင်သား။ ဖေ့စ်ဘွတ်ခ်ပေါ်မှာ ကျုပ်မိတ်ဆွေတစ်ယောက်ကတော့ သံပရာသီး နှစ်ခြမ်းကွဲသလိုပါပဲတဲ့လေ။ ဘယ်အခြမ်းဝါးဝါး ချဉ်တာချင်းတော့ အတူတူပဲတဲ့ခင်ဗျ။ အနှာလို ရွှေပြည်ကြီးရဲ့ နိုင် ငံရေးဇာတ်ခုံမှာ သပွတ်အူလိုက် နေတာတွေကြား အရေးအကြီး ဆုံးကတော့ဖြင့် ဘယ်သူတွေခွဲခွဲ၊ ဘယ်ဝါတွေကွဲကွဲ ကျုပ်တို့ ပြည် သူတွေအနေနဲ့ နိုင်ငံရေးအရမျက် စိမလည်ဖို့ပဲဗျ။ လမ်းခွဲတွေ ကြောင့် ၀မ်းမနည်းနဲ့။ လမ်းကွဲ တွေကြောင့် ၀မ်းမမြောက်နဲ့။ အဲဒီ လမ်းခွဲတွေ၊ လမ်းကွဲတွေကြားမှာ ဒီမိုကရေစီကိုပါ မသိမသာလမ်း လွဲသွားမယ့်အရေးကိုသာ ကြပ် ကြပ်သတိထားကြပါဗျာတို့။ ရှေ့ မှာ မထင်မှတ်တာတွေလာပါလိမ့် ဦးမယ်။။
( ဖော်ပြပါသရော်စာသည် စာရေးသူ ဘစီ၏ အာဘော်သာဖြစ်သည်)

7 Day new