ဒီစကား
\\\\\\\\\\
စုံထောက်ဝတ္ထုတွေကို ဘာကြောင့် လူအများ နှစ်သက်ကြပါသလဲ။ ကျွန်မလည်း စုံထောက်ဝတ္ထုပရိသတ် ထဲမှာ ပါပါတယ်။ ပထမဦဆုံး စုံထောက်ဝတ္ထုများနဲ့ ကျွန်မထိတွေ့ခဲ့စဉ်က အသက် ၁၀နှစ်လောက်ရှိပါပြီ။ အဲဒီအချိန်က ကျွန်မတို့နဲ့ အတူနေပြီး တက္ကသိုလ်တက်နေတဲ့ အစ်မ ၀မ်းကွဲတစ်ယောက်က တက္ကသိုလ် အင်္ဂလိပ်စာ အတန်းမှာ စုံထောက်ကြီး ရှားလော့ဟုမ်း ပုံပြင်တွေ သင်ရပါတယ်။ တက္ကသိုလ် ဒုတိယတန်းနှစ် သာမန် အင်္ဂလိပ်စာ အတန်းပါ။ ဂုဏ်ထူးတန်း မဟုတ်ပါဘူး။ အဲဒါပြန်စဉ်းစားကြည့်တော့ အဲဒီအချိန်က မြန်မာနိုင်ငံမှာ အင်္ဂလိပ်စာ သင်မှု အတော်မြင့်ပါလားလို့ တွေးမိပါတယ်။ ကျွန်မက ၁၀နှစ်ဆိုတော့ လေးတန်းပါ။ အင်္ဂလိပ်စာ ဖတ်တတ်နေပါပြီ။ ဒါပေမဲ့ အစ်မ လေ့လာရတဲ့ ရှားလော့ဟုမ်း ပုံပြင်တွေ ဖတ်နိုင်တဲ့ အဆင့်မရှိသေးပါဘူး။ ဒီပုံပြင်တွေကလည်း မူရင်းအတိုင်းပါ။ လွယ်အောင် ပြန်ရေးထားတာမျိုး မဟုတ်ပါဘူး။ အစ်မက ဖတ်ပြီး ဇာတ်လမ်းတွေ ကိုပြောပြပါတယ်။ နားထောင်လို့ သိပ်ကို ကောင်းတာပဲ။ အဲဒီကစပြီးကျွန်မ စုံထောက်ဝတ္ထု တွေ အစွဲကြီး စွဲသွားတာပါ။ ဒါကြောင့်လည်း နောက်တစ်နှစ် လောက်အတွင်းမှာ ရှားလော့ဟုမ်း ပုံပြင် အချို့ကို ကိုယ်တိုင် ဖတ်နိုင်အောင် ကြိုးစားလုပ်ခဲ့ပါတယ်။ စာအုပ်ကလေးကို ကျွန်မနှစ်သက်လွန်းလို့ မေမေ့ မိတ်ဆွေ တစ်ဦးက ကျွန်မအတွက် ၀ယ်ပေးထားတာ ယခုအထိ ရှိပါသေးတယ်။
ဘာကြောင့် စုံထောက်ဝတ္ထုတွေဟာ စိတ်ဝင်စားဖွယ်ကောင်းတယ်ဆိုတာ စာဖတ်သူတစ်ဦး နဲ့ တစ်ဦး အမြင်ချင်း တော့ တူမှာမဟုတ်ပါဘူး။ ကျွန်မအတွက် ကတော့ ပဟေဋ္ဌိ တစ်ခုရဲ့အဖြေကို ရှာတဲ့ဖြစ်စဉ်ကို နှစ်သက်တာ ဖြစ်ပါတယ်။ ၀တ္ထုကို ဖတ်ရင်းနဲ့ ဘယ်သူက လုပ်တာလဲဆိုတာ ကိုယ့်ဘာသာကိုယ်စဉ်းစားသွားရတာ သိပ်အရသာ ရှိတာပဲ။ ကျွန်မ ရှားလော့ဟုမ်း ပုံပြင်တွေကို စပြီးသိခဲ့ ရတဲ့ အချိန်မှာ ဒီပုံပြင်တွေကို မြန်မာမှုပြုထားတဲ့ ဆရာကြီး ရွှေဥဒေါင်းရဲ့ စုံထောက်ကြီး ဦးစံရှားကို အခြေခံတဲ့ ဦးရှံစား ဟာသကာတွန်းဇာတ်လမ်းတွေ အတော်ခေတ်စားပါတယ်။ ဦးရှံစားနဲ့ တပည့်ကျော် ဦးဒိန်းဒေါင်တို့က ထောက်လှမ်းလိုက်တိုင်း တလွဲဖြစ်တတ်တာမို့ စုံထောက်ကြီးက “မှားတဲ့ အခါလည်း မှားပေမပေါ့” လို့ ရေရွတ်ရတာ အခါပေါင်း များစွာ။ “မှားတဲ့ အခါလည်း မှားပေမပေါ့” ဆိုတာ ကလေး၊ လူကြီးမရွေး အဲ့ဒီအခါက လက်သုံးစကားပါပဲ။ ကျွန်မလည်း ဖတ်တဲ့ စုံထောက်ဝတ္ထုဇာတ်လမ်း နိဂုံးဟာ ကိုယ်မှန်းထားတဲ့ အတိုင်းမဖြစ်ရင် “မှားတဲ့အခါလည်း မှားပေမပေါ့” ဆိုပြီးပြုံးရပါတယ်။
စုံထောက်ဝတ္ထုတွေ အတော်များများ ဖတ်ပြီးတဲ့အခါမှာ နောက်ဆုံး အဖြေကိုမှန်းတဲ့ နေရာမှာ အတော်အတန်မြင်လာပါတယ်။ မေးပါများစကားရ ဆိုသလို ဖတ်ပါများတော့လည်း အဖြေရလာတဲ့ သဘောပါပဲ။ ဒီအဖြေကို ရှာနေတဲ့ အချိန်မှာ တော့ စိတ်ကို ဖတ်နေတဲ့ စာအုပ်ထဲ လုံးဝမြှုပ်ထားနိုင်တာကြောင့် အခြားအာရုံတွေ မေ့ထားလို့ ရပါတယ်။ အဲဒီအကြောင်းကြောင့် စုံထောက်ဝတ္ထုတွေ နှစ်သက်ကြတာ လားလို့လည်း စဉ်းစားစရာဖြစ်ရပါတယ်။ ဖွံ့ဖြိုးတိုးတက်တဲ့ နိုင်ငံများမှာ လေဆိပ်၊ ရထား ဘူတာ စတဲ့ နေရာတွေမှာ စာအုပ်ဆိုင်တွေ ရှိတတ်ပါတယ်။ ခရီးသွားရင်း အပျင်းပြေဖတ်ဖို့ စာအုပ်ဝယ်သူတွေလည်း များပါတယ်။ စုံထောက်ဝတ္ထုကောင်း တစ်အုပ်ရပြီးဆိုလို့ကတော့ အချိန်တွေ ဘယ်လို ကုန်သွားမှန်းမသိ။ ခရီးက ပြီးသွားလေရဲ့။
စုံထောက် ၀တ္ထုဖတ်ပုံဖတ်နည်းကလည်း တစ်ယောက်နဲ့တစ်ယောက် မတူကြပါဘူး။ အချို့က စာအုပ်မချတမ်း အသည်းအသန် အဖြေသိချင်ဇောနဲ့ ဖတ်ကြရဲ့။ စာမျက်နှာတွေ ကျော်ပြီး နိဂုံးပိုင်းကို တန်းဖတ်တဲ့ သူတွေလည်း ရှိပါတယ်။ ဒါကတော့ ထမင်းဆာလွန်းလို့ စားနေတဲ့ ဟင်းအရသာမခံနိုင်ဘဲ ပလုတ်ပလောင်း အမြန်နှုန်းနဲ့ စားသလိုပါပဲ။ အချို့ကျတော့လည်း အေးအေးဆေးဆေး နိဂုံးရောက်ဖို့ မကြာကြာအောင် ဆွဲဖတ်တာလည်းရှိပါတယ်။ ကျွန်မကတော့ အရေးအသားလည်းကောင်း၊ ဇာတ်လမ်းလည်း တကယ်ပြောင်မြောက်တဲ့ စုံထောက်ဝတ္ထု ပုံပြင်တွေဆိုရင် လက်က မချတမ်း၊ ဆက်တိုက်ဖတ်လေ့ရှိပါတယ်။ ကနဦးကတည်းက အဖြေကို သိနိုင်တဲ့ ၀တ္ထုတွေဆိုရင် အဆင့်မမီလို့ သတ်မှတ်ပါတယ်။ တစ်ခါတလေ ဆက်မဖတ် တော့ပါဘူး။
စုံထောက်ဝတ္ထုနဲ့ နိုင်ငံရေးနဲ့ ဘာဆိုင်သလဲလို့ အချို့က တွေးနေပါလိမ့်မယ်။ တိုက်ရိုက်သက်ဆိုင် တာတော့ မဟုတ်ပါဘူး။ ဒါပေမဲ့ နောက်ဆုံး ဘယ်လိုအဖြေပေါ်မလဲဆိုတာ တွက်ဆဖို့ ခက်တဲ့ နေရာမှာ တော့တူပါတယ်။ စုံထောက်ကျော်တွေ ဆိုရင် အဖြေမှန်ကို ရှာတွေ့ကြတာပါပဲ။ ဘယ်လိုရှာတွေ့ကြလဲ ဆိုရင်တော့ ရိုးရိုးပါပဲ။ လုံ့လ၊ ၀ီရိယ၊ ပညာနဲ့ လုပ်ဖော်ကိုင်ဖက်ကောင်း၊ တပည့်နောက်လိုက်ကောင်းတွေရဲ့ အကူအညီနဲ့ အောင်မြင်ကြတာပါ။ အဖြေမှန်မရခင် အချိန်မှာတော့ ဖြစ်နိုင်ခြေ အမျိုးမျိုးကို စဉ်းစားရပါတယ်။ စုံထောက် ၀တ္ထု ဖတ်တာနဲ့ နိုင်ငံရေးလုပ်တာမှာ အဓိက မတူညီတဲ့ အချက်ကြီး နှစ်ချက်ရှိတယ်။ ပထမကတော့ ရည်ရွယ်ချက်ပါ။ စုံထောက်ဝတ္ထုဖတ်တာက စိတ်ပြေလက်ပျောက် အပန်းဖြေတဲ့ သဘောပါ။ နိုင်ငံရေးလုပ်တယ်ဆိုတာကတော့ ရည်ရွယ်ချက်၊ ယုံကြည်ချက်နဲ့ လေးလေးနက်နက် အပင်ပန်းခံ လုပ်ရမှာပါ။ ဒုတိယ မတူညီမှုကတော့ စုံထောက်ဝတ္ထုတွေရဲ့ နိဂုံးကို စာဖတ်သူက ဆုံးဖြတ်လို့ မရပါဘူး။ နိုင်ငံရေးမှာ ကျတော့ ကျွန်မတို့ရဲ့ ဇွဲ၊ လုံ့လ၊ ၀ီရိယ၊ ပညာ၊ ရဲဘော်ရဲဘက်၊ တပည့် နောက်လိုက်ကောင်းတွေရဲ့ ကျေးဇူးကြောင့် ကိုယ်လိုချင်တဲ့ အဖြေပေါ်အောင် လုပ်နိုင်ပါတယ်။
အောင်ဆန်းစုကြည်
