စစ်မှန်တဲ့မိတ်ဆွေ

" စစ်မှန်တဲ့မိတ်ဆွေ " " မိတ်ဆွေကောင်းဆိုတာ

///////////////////////////////////

             (ရေးသားသူ ... ဒေါ်အောင်ဆန်းစုကြည်)

မိတ်ဆွေနဲ့ ပတ်သက်ပြီး အဓိပ္ပာယ် ဖွင့်ဆိုချက်တစ် ခုရှိပါတယ်။ အဲဒီ အဓိပ္ပာယ်ဟာ မြန်မာပြည်မှာ နိုင်ငံရေးလှုပ်ရှားမှု ပြုလုပ်ရင် မတည်မြဲတဲ့ လောကဓံ အတွေ့အကြုံကို စုံနေအောင် တွေ့ကြုံဖူးသူတွေ အနေနဲ့ တကယ် ဟုတ်ပါလားလို့ ခေါင်း တညိတ်ညိတ်နဲ့ ကျန်ခဲ့မယ့် အဓိပ္ပာယ်ပါပဲ။

သင် နာမကျန်း ဖြစ်နေတဲ့အချိန်၊ မပြည့်စုံနေတဲ့အချိန်၊ ဒါမှမဟုတ် အခက်အခဲတွေ့နေတဲ့အချိန်မျိုးမှာ၊ သင် ရန်သူရဲ့ ဖမ်းဆီးမှု ခံရတဲ့ အခါမျိုးမှာ၊ ဘုရင့်ရှေ့မှောက် ၀င်ရမယ့် အချိန်မျိုးမှာ၊ ဒါမှမဟုတ် အလောင်းကောင်ဘ၀ ရောက်တဲ့ အခါမျိုးမှာ သင့်အပေါ် သစ္စာရှိတဲ့ မိတ်ဆွေဟာ တကယ့်ကို စစ်မှန်တဲ့ မိတ်ဆွေ ဖြစ်ပါတယ်။

" မိတ်ဆွေကောင်းဆိုတာ "

ဗုဒ္ဓဘာသာရဲ့သွန်သင်ချက်အရ မိတ်ဆွေကောင်းဆိုတာ ပေးဖို့ရာ မလွယ်တဲ့ အရာတွေကို ပေးတဲ့သူ၊ ပြုလုပ်ဖို့ရာ ခက်ခဲတဲ့ အရာကို ပြုလုပ်တဲ့သူ၊ မာထန်တဲ့ စကားကို သည်းခံတဲ့သူ၊ သူရဲ့ လျှို့ဝှက်ချက်တွေကို သင့်ကိုပြောပြတဲ့သူ၊ သင်ရဲ့ လျှို့ဝှက်ချက်တွေကို အထူးတလည် ထိန်းသိမ်း စောင့်ရှောက်တဲ့သူ၊ မရှိဆင်းရဲတဲ့ အချိန်မှာ သင့်ကို စွန့်ခွာ မသွားတဲ့သူ၊ သင် ဆုံးရှုံး ပျက်စီး တဲ့အခါ သင့်ကို ပြစ်တင်ဝေဖန်ခြင်း မပြုတဲ့သူလို့ ဆိုပါတယ်။

ဒီလို မိတ်ဆွေကောင်းတွေနဲ့ ဆိုရင် အကြမ်းတမ်းဆုံး ခရီးလမ်းကို လျှောက်လှမ်းနိုင်ပါတယ်။ အခက်အခဲ အကြမ်းအတမ်းတွေကို လက်မြှောက်အရှုံးပေးစရာ မလိုပါဘူး။ အမှန်မှာတော့ သွားရမယ့် ခရီးလမ်းက ကြမ်းလေ၊ လောကဓံ အခက်အခဲတွေနဲ့ ကြုံတွေ့ရတဲ့အခါ ကိုယ့်အပေါ် သစ္စာရှိတဲ့၊ ကောင်းမွန်မြင့်မြတ်တဲ့ ကလျာဏမိတ္တ မိတ်ဆွေတွေနဲ့ အဖော်ပြုရလေ၊ ကြည်နူးရလေ ပါပဲ။

" မိတ်ဆွေကောင်းဖြစ်ချင် "

ကျွန်မအနေနဲ့လည်း ကျွန်မတို့ ပြည်သူတွေ အတွက် မိတ်ဆွေကောင်းတစ်ယောက် ဖြစ်ချင်ပါတယ်။ အဲဒီတော့ ခက်ခဲတဲ့ အချိန်မှာလည်း ရပ်တည်မယ်။ နောက်တစ်ခုက မိတ်ဆွေကောင်းဆိုတာ မှန်မှန်ကန်ကန် ပွင့်ပွင့်လင်းလင်း ဆက်ဆံရတယ်။ ပြောဆိုရတယ်။ ကိုယ့်အကြိုက်ကို လိုက် လိုက် ပြောတဲ့သူက မိတ်ဆွေကောင်းလို့ မထင်နဲ့နော်။ မှားလိမ့်မယ်။ ဘယ်တော့မဆို ကိုယ့်အကြိုက်ကို လိုက်ပြီးပြောတာဟာ မိတ်ဆွေကောင်းများရဲ့ အလုပ် မဟုတ်ဘူး။ တကယ့် မိတ်ဆွေကောင်း ဆိုတာ ကိုယ်ရဲ့ ကောင်းကျိုးကို ရှေးရှုပြီး ပြောသင့်ပြောထိုက်တာကို ပြောမယ်။ ထောက်ပြသင့်တာကို ထောက်ပြမယ်။ ဒီတော့ ကျွန်မတို့ဟာ တစ်ဦးနဲ့တစ်ဦး ကျွန်မနဲ့ပြည်သူကြားမှာ တကယ့်ကို ကောင်းမြတ်တဲ့မိတ်ဆွေစစ်တွေရဲ့ ဆက်ဆံမှုတစ်ခု ဖြစ်စေချင်ပါတယ်။

" မိတ်ဆွေကို ကိုယ့်လူဖြစ်အောင် "

ဖေဖေပြောခဲ့တဲ့ စကားအရ ဆိုရင် ရန်သူကို မိတ်ဆွေဖြစ်အောင် လုပ်ရမယ်၊ မိတ်ဆွေကို ကိုယ့်လူ ဖြစ်အောင် လုပ်ရမယ်တဲ့။ ရန်သူကို မိတ်ဆွေဖြစ်အောင်လုပ်တယ် ဆိုတာကတော့ အဓိပ္ပာယ်က ရှင်းပါတယ်။ မိတ်ဆွေကို ကိုယ့်လူဖြစ်အောင် လုပ်ရမယ် ဆိုတာ တချို့က နားမလည်ဘူး။ ပြောချင်တာက မိတ်ဆွေတွေ ကလည်း ကိုယ်နဲ့အတူ ပူးပေါင်းပြီးတော့ လုပ်သင့် တာတွေကို အတူတူ လုပ်တဲ့အဆင့် ဖြစ်ရမယ်။ တချို့က မိတ်ဆွေတော့ မိတ်ဆွေပဲ။ ဘာမှမလုပ်ပေးဘူး။ ဘေးကနေ ကြည့်နေတယ်။ မိတ်ဆွေ ခင်ပါတယ်၊ သူငယ်ချင်း ကိုယ့်ဘာသာကိုယ် ရုန်းကန်ပေါ့နော်။ အဲဒါဟာ မလုံလောက်ဘူး။ အဲဒါကြောင့်မလို့ မိတ်ဆွေကို ကိုယ့်လူဖြစ်အောင် လုပ်ရမယ်ဆိုတာ ကိုယ့်မိတ်ဆွေတွေ ကလည်း ကိုယ်နဲ့အတူတူ ဘုံ ရည်မှန်းချက် အတွက် ရုန်းကန်နိုင်တဲ့ အနေအထားမှာ ရောက်လာအောင်လို့ ကျွန်မတို့ ကြိုးစားရမယ်။ အဲဒီတော့ ကျွန်မတို့အတွက် ဒီနိုင်ငံမှာ ဘယ်သူကမှ ဘယ်သူ့ကိုမှ ရန်သူရယ်လို့ မမြင်ချင်ဘူး။ ဒီနိုင်ငံသူ နိုင်ငံသား အားလုံးဟာ မိတ်ဆွေတွေလိုပဲ ဖြစ်ရမယ်။ အားလုံးဟာ ကိုယ့်လူတွေပဲဆိုတာ၊ အားလုံးဟာ ကိုယ့်နိုင်ငံအတွက် ရုန်းကန်ဖို့ အဆင်သင့်ရှိတဲ့ အခြေအနေမှာ ဖြစ်ရမယ်။

" အမျိုးသားရင်ကြားစေ့ရေးဆိုတာ "

အမျိုးသားရင်ကြားစေ့ရေးဆိုတာဟာ ဘာလဲဆိုတော့ ဆယ်စုနှစ်ပေါင်း မြောက်မြားစွာ ကွာဟနေတဲ့ အသင်းအဖွဲ့တွေ၊ တိုင်းရင်းသားလူမျိုးတွေ၊ အုပ်စုတွေ စုစည်းပြီးတော့ နိုင်ငံ့အကျိုးအတွက် အတူ ထမ်းဆောင်နိုင်ဖို့ ကိစ္စရပ်သာ ဖြစ်ပါတယ်။ အဲဒီတော့ ဒီလိုလုပ်ဖို့ အတွက်ဆိုရင် ကျွန်မတို့ ပြည်သူတွေ အားလုံးဟာ ရေရှည် အမြင်နဲ့ လုပ်ဖို့ လိုပါတယ်။ အဲဒီလို ရေရှည်အမြင်နဲ့လုပ်မှ ကျွန်မတို့ အောင်မြင်နိုင်မှာပါ။

" မညီညွတ်ခြင်းရဲ့အကြောင်းရင်းက "

ကျွန်မတို့နိုင်ငံမှာ နိုင်ငံသူ နိုင်ငံသားတွေ မညီညွတ်ခြင်းရဲ့ အကြောင်းရင်း ကတော့ ကိုယ့်ကိုယ်ကိုယ် ယုံကြည်မှု မရှိလို့ပဲ။ ကိုယ့်ကိုယ်ကိုယ် ယုံကြည်မှု မရှိလို့၊ မရှိတဲ့ အခါကျတော့ တခြားလူ ကိုယ့်ထက် သာသွားမှာ အင်မတန်မှ စိုးရိမ်ကြတယ်။ ဒီစိတ်ဓာတ်တွေကို ဖျောက်လိုက်ပါ။ လူတိုင်း လူတိုင်းဟာ သူ့တန်ဖိုးနဲ့သူ ရှိပါတယ်။ ပန်းသီးနဲ့ လိမ္မော်သီး ဘယ်ဟာ သာတယ်လို့ ပြောမလဲ။ ဒါက ပြောလို့ရတာ မဟုတ်ဘူးလေ။ လိမ္မော်သီးကြိုက်တဲ့သူကလည်း လိမ္မော်သီးပေါ့။ ပန်းသီးကြိုက်တဲ့ သူကတော့ ပန်းသီးပေါ့။ ပန်းသီးက လိမ္မော်သီးကို မနာလိုလို့ရှိရင် ပန်းသီးပဲ အကျိုးယုတ်မှာပေါ့။ အဲဒီတော့ ကျွန်မတို့တစ်တွေဟာ မနာလိုတဲ့ စိတ်တွေကို ဖျောက်ဖို့ ဆိုတာ ကိုယ့်ကိုယ်ကိုယ် ယုံကြည်မှု ရှိအောင်လို့ ကိုယ့်ကိုယ်ကိုယ် ပြုစုပျိုးထောင်ဖို့ လိုတယ်။

" အချိန်ကိုတန်ဖိုးထားခြင်း "

အချိန်ကို တန်ဖိုးထားခြင်း၊ နောက် တစ်မျိုး ကတော့ အချိန်ကို တန်ဖိုး ရှိအောင် သုံးခြင်းပါပဲ။ ပျောက်ပျက် သွားတဲ့ စက္ကန့်၊ မိနစ်တွေဟာ ဗလာနတ္ထိ၊ ပြစရာမရှိ မဖြစ်ရအောင်က အရေးကြီး ပါတယ်။ ဒီထက် ပို အရေးကြီးတာ ကတော့ ပျောက်ကွယ်မြန်တဲ့ အချိန်တွေကို အနုတ်လက္ခဏာ ဆောင်တဲ့ အပြုအမူတွေနဲ့ မဖြုန်းလိုက်ဖို့ပါပဲ။ ကျွန်မတို့ရဲ့ အနိစ္စလောကကြီးမှာ ဖြစ်ပြီး ကိစ္စတွေ မဖြစ်ခဲ့ရင် ကောင်းမှာပဲလို့ တွေးနေ ဆွေးနေမယ်ဆိုရင် ကုက္ကုစ္စအကုသိုလ် မြောက်ပါတယ်။ ဒါကြောင့် ပစ္စုပ္ပန်နဲ့ အနာဂတ်ကို ရှေးရှုပြီး အကောင်းဆုံးဖြစ်အောင် လုပ်ကြရမှာပါ။ အခုအချိန်ဟာ ကျွန်မတို့နိုင်ငံအတွက် တန်ဖိုး ရှိအောင် သုံးရမယ့် အချိန် ဖြစ်ပါတယ်။

အတိတ်ကရခဲ့တဲ့ ဒဏ်ရာ ဒဏ်ချက်တွေ ပျောက်ကင်းအောင် လုပ်ကြရင်းနဲ့ အနာဂတ်အတွက် အာမခံချက် ပေးနိုင်မယ့် ပစ္စုပ္ပန်ကို တည်ဆောက်ရမှာဖြစ်ပါတယ်။ ကျွန်မ ခဏခဏပြောနေတဲ့ အခက်ခဲဆုံးကာလလို့ ဆိုရမယ့် အဝေးက မြင်နေရတဲ့ ဒီမိုကရေစီ ပန်းတိုင်ကို အရောက်သွားရမယ့် ခရီးနောက်ဆုံးအပိုင်းကို မှန်မှန်ကန်ကန် ကျော်ဖြတ်ဖို့ အထူးအရေးကြီးပါတယ်။

( ဒေါ်အောင်ဆန်းစုကြည် )

January 2018
Eternal Light Magazine

ပြန်​လည်​မျှ​ဝေပါတယ်