အိမ်မက်ကဗျာ

နေ့ရက်တိုင်းရဲ့ အိမ့်မက် ကဗျာ

ပန်းရဲ့လမ်း

မင်္ဂလာဒုံမြို့နယ်အတွင်း စစ်ဘေးသင့်ပြည်သူများအတွက် ဂီတဖြင့်အလှူခံခြင်း

ရန်ကုန်တိုင်း NLD အောင်နှိုင်ရေးအဖွဲ့ မင်္ဂလာဒုံမြို့နယ်အတွင်း စည်းရုံးလှုံ့ဆော်မှူ ပုံရိပ်လေးများ

မင်္ဂလာဒုံမြို့နယ် မှာ စည်းရုံးလှုံ့ဆော် သွားတာ အားရဖို့ကောင်းတယ်

မင်္ဂလာဒုံ NLD အောင်နှိုင်ရေး ပုံရိပ်လေးများ

ပန်ရဲ့လမ်း ဦးထွန်းထွန်းဝင်း ဒေါ်သန္ဒ်ာမိုး တို့အောင်နှိုင်ရေး လှုပ်ရှားမှူ ပုံရိပ်လေးတွေပါ

ဘာသာရေးအသုံးချ မဲဆွယ်မှုများအပေါ် ပြည်သူ့အသံ | 7Day Daily - ၇ ရက် နေ့စဉ် သတင်းစာ

ဘာသာရေးအသုံးချ မဲဆွယ်မှုများအပေါ် ပြည်သူ့အသံ | 7Day Daily - ၇ ရက် နေ့စဉ် သတင်းစာ

ကျရှုံးနိုင်ငံသားများ (မောင်သာချို)

(တစ်) ကမ္ဘာကျော်ပညာရပ်ဝန်းကြီးတွေ အကြောင်းပြောတဲ့အခါ SOASဆိုတာလည်း ပါဝင်လာလေ့ရှိမြဲ ပါ။ SOAS ရဲ့ နာမည်အရှည်က The School of Oriental and African Studies တဲ့။ အရှေ့တိုင်းနဲ့ အာဖရိကဘာသာရပ်များ လေ့ လာရေးကျောင်းလို့ပဲ ဆိုကြပါ စို့။လန်ဒန်အခြေစိုက် ကမ္ဘာ့ထိပ်တန်းတက္ကသိုလ်တစ်ခုပါပဲ။ အဲသည့်ကျောင်းက ပါမော က္ခခန်းဟာ ထင်ရှားပါတယ်။ သူ့ နာမည်အပြည့်အစုံက Geoffrey Khan ပါ။ သူက ဟီဗရူးဘာသာ ပါမောက္ခပါ။ Regius Profess or of Hebrew ပေါ့။ ဒီနေရာမှာ ပရော်ဖက်ဆာဆိုတဲ့ ပါမောက္ခရာ ထူးရဲ့ရှေ့က အထူးပြုထားတဲ့ Regius ကို အဘိဓာန်မှာ လှန် ကြည့်တော့ ဘုရင်တို့၊ ဘုရင်မတို့ က အတည်ပြုခန့်ထားတဲ့ပါမော က္ခရာထူးလို့ ဆိုပါတယ်။ သာမန် ကာလျှံကာပါမောက္ခမဟုတ်ဘူး ဆိုတဲ့အဓိပ္ပာယ်ပေါ့။ ခန်း(Khan)က အာရှနဲ့ အ ရှေ့အလယ်ပိုင်းရေးရာ မဟာဌာန မှာလည်း ပါမောက္ခလုပ်ဖူးတယ် လို့ဆိုပါတယ်။ Faculty of Asian and middle Eastern Studies လို့ ဆိုတာကိုး။ သူက ဆီမိုက် အနွယ်ဝင် ဘာသာစကားတွေ (Semitic Languages) နဲ့ ဝိဇ္ဇာ ဘွဲ့ကို ရခဲ့တဲ့ ပုဂ္ဂိုလ်ပါ။ ပါမောက္ခခန်း(Khan)က ကျရှုံးနေတဲ့ နိုင်ငံတွေနဲ့ပတ်သက်ပြီး ရေးခဲ့၊ ပြောခဲ့ဖူးပါတယ်။ Failed States, Weak States, CollapsedStates, State Failure ဆိုပြီး အမျိုးမျိုး ခေါ်ဝေါ်သုံးနှုန်းကြတဲ့ မအောင်မြင်တဲ့ နိုင်ငံတွေရဲ့အ ကြောင်းပါ။ Failed States index ဆိုပြီး ကမ္ဘာပေါ်မှာကျရှုံးနေတဲ့နိုင်ငံတွေ ရဲ့အညွှန်းကို ထားလိုက်ပါ။ Top 5 Reasons Why Failed State ဆိုတဲ့ နိုင်ငံတို့ကျရှုံးရခြင်းရဲ့အဓိ ကအကြောင်းတရားငါးချက်ဆို တာကိုလည်း ထားလိုက်ပါ။ ပါမောက္ခခန်း(Khan)ရဲ့ စကားထဲက အနှစ်သာရအရှိဆုံး တရားကတော့ Errors of Omi-ssion နဲ့ Errors of Commission ပါပဲ။ Errors of Omission ဆိုတာ က မလုပ်သင့်တာကို လုပ်တဲ့အ မှားတဲ့။ Errors of Commission ဆိုတာက လုပ်သင့်တာကို မလုပ် တဲ့အမှားတဲ့။ အရပ်ထဲက စကား နဲ့ပြောရရင် မလုပ်ထိုက်တာတွေ ကို လျှောက်လုပ်ပြီး လုပ်ထိုက် တာတွေကို လျှောက်မလုပ်တော့ ဘူးလို့ ဆိုခဲ့ရင် အဲဒါ State Failureဆိုတဲ့ ကျရှုံးနိုင်ငံဖြစ်ပြီသာမှတ်ပေ တော့တဲ့။ (နှစ်) ရာဇဝင်လူဆိုးတွေကို အ ကျဉ်းထောင်တွေထဲကနေ လွှတ် ပေးသင့်၊ မလွှတ်ပေးသင့်၊ မြစ်ဆုံ စီမံကိန်းကြီးကို အပြီးတိုင်ရပ်ဆိုင်းသင့်၊ မရပ်ဆိုင်းသင့်၊ အခြေခံဥပ ဒေကို ပြင်ဆင်သင့်၊ မပြင်ဆင် သင့်၊ မြန်မာ့ပညာရေးကိုပြုပြင် ပြောင်းလဲသင့်၊ မပြောင်းလဲသင့်၊ ပြည်တွင်းငြိမ်းချမ်းရေးကို အ ဆောတလျင် အရယူသင့်၊ မယူ သင့်၊ နိုင်ငံရေးအကျဉ်းသားဆို တာမျိုး တိုင်းပြည်အတွင်းမှာ ရှိ သင့်၊ မရှိသင့်၊ လွှတ်တော်အတွင်းမှာ တပ်မတော်သားတို့က နေရာယူထားသင့်၊ မယူထားသင့်၊ တောင်သူလယ်လုပ်ဓားမခုတ်တို့ရဲ့မြေယာတွေကို သိမ်းပိုက်ယူသင့်၊ မယူသင့်၊ ရပ်ကွက်တိုင်း၊ ရပ်ကွက်တိုင်းမှာ အားကစားကွင်း၊ ပန်းခြံ၊စာကြည့်တိုက်ဆိုတာမျိုးတွေ ရှိသင့်၊ မရှိသင့်၊ ပြည်သူ့ဆေးရုံများဟာ ပြည်သူတို့ အားကိုးရာ၊ ပြည်သူတို့ကို စောင့်ရှောက်ထွေးပိုက် ကရုဏာပေးရာနေရာတွေ ဖြစ်သင့်၊ မဖြစ်သင့်၊ နိုင်ငံသားတိုင်း၊ နိုင်ငံသားတိုင်းဟာ ဂုဏ်သိက္ခာရှိစွာ အသက်မွေးဖို့အတွက် လုံလောက်စွာသောဝင် ငွေပမာဏရရှိသင့်၊ မရရှိသင့်၊ စာနယ်ဇင်းများဟာ သူတို့အတွေး သူတို့အမြင်ကို လွတ်လပ်စွာ ရေးသားဖော်ပြခွင့် ရှိသင့်၊ မရှိသင့်၊ကလေးတိုင်း၊ကလေးတိုင်းဟာ တန်းတူညီမျှ ပညာသင်ကြားနိုင်ဖို့ အခွင့်အလမ်းရှိသင့်၊ မရှိသင့်၊နိုင်ငံ့စီးပွားရေးကို နိုင်ငံသားတိုင်းက လွတ်လွတ်လပ်လပ် ပါဝင်ဆောင်ရွက်ရောင်းဝယ်ဖောက်ကားခွင့်ရသင့်၊ မရသင့်၊ ပလက်ဖောင်းပေါ်မှာ လူတွေ လွတ်လပ်လှပပျော်ရွှင်အေးချမ်းစွာ လမ်းလျှောက်သွားနိုင်ရေး ဖန်တီးပေးသင့်၊ မပေးသင့်၊ ဘေးဘယာဝေး ကွားတဲ့မော်တော်ကားလမ်းတွေ၊ မီးရထားလမ်းတွေ၊ လှေသမ္ဗန်၊ သင်္ဘောကူးတို့လမ်းကြောင်းတွေ ဖြစ်အောင် စီမံပေးသင့်၊ မပေးသင့်၊ စားမယ့်အစာ၊ သောက်မယ့်ရေ၊ ရှူမယ့်လေကို ပြည်သူ လူထုမကြောင့်ကြရလေအောင် ထိန်းသိမ်းကွပ်ကဲပေးသင့်၊ မပေးသင့်၊ လူတိုင်း လူပီသစွာနေခွင့်၊ သေခွင့်ရဖို့အတွက် အခြေခံလိုအပ်ချက်တွေကို ဖန်တီးပေးသင့်၊ မပေးသင့်၊ ကလေးသူငယ်တွေ၊ သက်ကြီးရွယ်အိုတွေ၊ မသန်စွမ်းတွေ။ အမျိုးသမီးငယ်တွေသွားကြ လာကြလှုပ်ရှားကြရာ နေရာတိုင်းမှာ လုံခြုံစိတ်ချရတဲ့လောကဖြစ်အောင် တည်ဆောက်ပေးသင့်၊ မပေးသင့်၊ ကိုယ့်ရွာ ကိုယ့်ချောင်း ကိုယ့်ကျောင်းကိုယ့်ကန် ကိုယ့်တောင်ကိုယ့်တော မတိမ်ကောရလေအောင်ထိန်းထားဖို့ရာ သင့်၊ မသင့်၊အများပြည်သူနဲ့ဆိုင်တဲ့ရေကန်၊ကမ်းခြေ၊ တောင်ကုန်း၊ ရင်ပြင်အစရှိတာမျိုးတွေကို လူတစ်ယောက်၊အဖွဲ့အစည်းတစ်ခု၊ မိသားတစ်စုလက်ထဲ လုပ်ပိုင်ခွင့်ပေးသင့်၊ မပေးသင့်။ ပြောရရင် ဗြဟ္မာ ဗြဟ္မေ လျှာကုဋေနဲ့ မိုးမြေအလုံး ပြောဆိုလို့ မဆုံးနိုင်တဲ့ အကြောင်းတရားတွေ ချည်းပါ။ ဒါပေမဲ့ အဲဒါတွေကို အခြေ ခံပြီး အနှစ်ချုပ်လိုက်တော့ ပါမော က္ခခန်း(Khan)ပြောသလို လုပ် သင့်တာကို မလုပ်ဘူးလား၊ မလုပ်သင့်တာကို လုပ်သလား၊ အဲသည့် နှစ်ခုစလုံးဟာ အမှားပါတဲ့။ မှား တော့ ဘာဖြစ်လဲ။ State Failure ဖြစ်ပါတယ်တဲ့။ ကျရှုံးနိုင်ငံ။ (သုံး) အားကစားမှာ ကျရှုံး၊ စီးပွား မှာ ကျရှုံး၊ ပညာမှာ ကျရှုံး၊ အတွေးအခေါ်မှာ ကျရှုံး၊ အနုပညာမှာ ကျရှုံး၊ စည်းကမ်းမှာ ကျရှုံး၊ စစ်ပွဲမှာ ကျရှုံး၊ မူလတန်းကျောင်း ကလေးမှာ ကျရှုံး၊ တက္ကသိုလ် ကျောင်းကြီးမှာ ကျရှုံး၊ ရုပ်ရှင်ပိတ်ကားပေါ်မှာ ကျရှုံး၊ လွှတ်တော် ထဲမှာ ကျရှုံး၊ ဇာတ်ခုံပေါ်မှာ ကျ ရှုံး၊ ခွဲစိတ်ခန်းထဲမှာ ကျရှုံး၊ စာ မျက်နှာပေါ်မှာ ကျရှုံး၊ သံရုံးထဲမှာ ကျရှုံး၊ On Line ပေါ်မှာ ကျရှုံး။ မလုပ်သင့်တာတွေကို အခု ချက်ချင်း ရပ်လိုက်ကြပါတော့။ လုပ်သင့်တာတွေကို အခုချက်ချင်းထလုပ်ကြပါတော့။ လူတွေက ကျရှုံးနိုင်ငံသားတွေ မဖြစ်ချင်ကြ တော့ဘူး။ ။

ရွေးကောက်ပွဲ ကြေညာစာတမ်း ဒီချုပ် ထုတ်ပြန် | 7Day Daily - ၇ ရက် နေ့စဉ် သတင်းစာ

ရွေးကောက်ပွဲ ကြေညာစာတမ်း ဒီချုပ် ထုတ်ပြန် | 7Day Daily - ၇ ရက် နေ့စဉ် သတင်းစာ

ကြင်နာသူရဲ့ ညနေခင်းလေး(Photo)

အာဏာသိမ်းခြင်းလား အာဏာရှင်စနစ်ကိုဖြိုဖျက်ခြင်းလား

(၁၂. ၈. ၁၅) ရက်နေ့က ဖြစ်ပွားခဲ့သော ပြည်ခိုင်ဖြိုး ပါတီတွင်း အပြောင်းအလဲ အပေါ် ကုလသမဂ္ဂနှင့် အမေရိကန် အမတ်မစ် (ခ်ျ) မက်ကော်နယ်လ်တို့က စိုးရိမ်မှုရှိကြောင်း ပြောကြားခဲ့သည်။ မြန်မာနိုင်ငံ အတွင်း တစ်ခုခုဖြစ်လျှင် ပြောကြ ဆိုကြသည်က ထုံးစံအတိုင်း။ သို့သော်လည်း ထူးထူးခြားခြားကြီး ဝေဖန်မှုမရှိ။ ထင်ထင်ရှားရှားကြီး ဖိအားလည်းမရှိ။ ပါတီတစ်ခု အတွင်း ကိစ္စဟု သဘောထားပြီး ရွေးကောက်ပွဲအတွက် စိုးရိမ်သည်ဟုသာ အနည်းငယ် ပြောသွားသည်။ ဤသည်က နိုင်ငံတကာ အခြေအနေ၊ ပြည်တွင်း အခြေအနေအရ မူအားလုံးက စိတ်ဝင်စားဟန် ပြခဲ့ကြပြီး ဒေါ်အောင်ဆန်းစုကြည်မှာမူ ရှမ်းပြည်နယ် စည်းရုံးရေး ခရီးစဉ်ကို ရုတ်တရက် ဖျက်သိမ်း၍ ပြန်လာသည်။ အခြားနိုင်ငံရေး လေ့လာသူများ၊ နိုင်ငံရေး သမားများ၏ အင်တာဗျူးများ အရ မြန်မာ့နိုင်ငံရေး အနာဂတ်ကို ကြီးကြီးမားမား ထိခိုက်နိုင်သည်ဟု ဆိုထားသည်ကို မတွေ့ရ။ မြန်မာနိုင်ငံ အကြောင်း အထူး လေ့လာ၍ မကြာခဏ ရေးသားလေ့ ရှိသော လာရီဂျေဂင်ကလည်း ၂၀၁၅-နောက်ပိုင်း သူရဦးရွှေမန်း၏ အခန်းကဏ္ဍ ပျောက်ကွယ် နိုင်သည်ဟု ရေးသားခဲ့ဖူးသည်ကို တွေ့ရပြီး၊ ယခုလောလောဆယ် ဖြစ်ရပ်အနေဖြင့် ရွေးကောက်ပွဲကို ထိခိုက်နိုင်စရာ မမြင်ပါဟု The Messenger အင်တာဗျူးတွင် ဖတ်လိုက်ရသည်။ ဤသည်က ပြည်တွင်း နိုင်ငံရေး အခြေအနေ။ အဝေးရောက် သုံးသပ်ကြသူများရော၊ ပြည်တွင်း ထိတွေ့ကြသူများ၏ သုံးသပ်ချက်ရော နှစ်ခုပေါင်းတွင် အားလုံးနီးပါးမှာ ယခုဖြစ်စဉ်သည် မြန်မာ့နိုင်ငံရေး ပြုပြင် ပြောင်းလဲမှု၏ လားရာကို တစ်စုံတစ်ရာ ပြောင်းလဲ ထိခိုက်စရာ မရှိဟူသော အဖြေကို ပေးထားပါသည်။ အာဏာသိမ်းခြင်း မဟုတ် အာဏာရှင်စနစ် အစပျိုးခြင်းကို ဖြိုဖျက်ခြင်းသာ။ ပြည်ခိုင်ဖြိုး ပါတီအတွင်း သူရဦးရွှေမန်းကို ပူးတွဲ ဥက္ကဋ္ဌအဖြစ်မှ ဖယ်ရှားပြီး၊ ဒုတိယ ဥက္ကဋ္ဌ တစ်ဦးဖြစ်သူ ဦးဌေးဦးကို ပူးတွဲဥက္ကဋ္ဌအဖြစ် ခန့်အပ်လိုက်ခြင်း အပေါ် အချို့သော သူများကအာဏာသိမ်းသည့် သဘောဖြင့် ရေးသားထားကြသည်ကို တွေ့ရသည်။ ရုတ်တရက် အမြင်မှာ ထိုသို့ ရှိနေနိုင်သော်လည်း အမှန်တကယ်က သိမ်းထားသည့် အာဏာ၊ သို့မဟုတ် အာဏာရှင်စနစ် ထူထောင်နေခြင်းကို အများဆန္ဒဖြင့် ဖြိုချလိုက်ခြင်းမျှသာ ဖြစ်သည်။ အမှန်တကယ်က သမ္မတ ဦးသိန်းစိန်ကသာ အာဏာ အသိမ်းခံရသူ ဖြစ်ပါသည်။ ပြည်ခိုင်ဖြိုး ဥက္ကဋ္ဌ အစစ်အမှန်မှာ ဦးသိန်းစိန်သာ ဖြစ်သည်။ ဖွဲ့စည်းပုံ အခြေခံ ဥပဒေကို လိုက်နာ၍ ပါတီနှင့် ခပ်ကွာကွာ နေပေးရသည့် ကာလ တစ်လျှောက် တဖြည်းဖြည်းနှင့် ဦးသိန်းစိန် အာဏာ အသိမ်းခံရခြင်းသာ ဖြစ်သည်။ အဖွဲ့အစည်းများ၏ လုပ်ငန်း သဘောအရ ကျောင်းအုပ်ကြီး ခရီးထွက်သည့် အချိန်တွင် ဒုတိယ ကျောင်းအုပ်ကို သူ၏ တာဝန်များ သူ-မရှိစဉ်အတွင်း ခေတ္တခဏ တာဝန် ထမ်းဆောင်စေခြင်းမျှသာ ဖြစ်သည်။ ထိုသို့ ခေတ္တခဏ တာဝန် ထမ်းဆောင်ခြင်းဖြင့် ဒုတိယကျောင်းအုပ်မှာ ကျောင်းအုပ် ဖြစ်လာစရာမရှိပါ။ ကျောင်းအုပ်ဟူ၍လည်း ဆို၍မရပါ။ ပါတီညီလာခံမှ တစ်ဆင့် ဖြစ်လာသော ပါတီ ဥက္ကဋ္ဌ၏ တာဝန်ကို အခြားသူတစ်ဦး တစ်ယောက်အား ပါတီညီလာခံဖြင့်သာ အပြောင်းအလဲပြု၍ ရပါသည်။ ယခုအခါ ပါတီဥက္ကဋ္ဌ တစ်ဦးအနေဖြင့် သူ၏တာဝန်ကို အခြားပါတီ ဒုတိယ ဥက္ကဋ္ဌ တစ်ဦးအား တာဝန် ပေးလိုက်ပါသည်။ ပါတီဥက္ကဋ္ဌ တစ်ဦး၏ လုပ်ပိုင်ခွင့် အရ ဆောင်ရွက်ခြင်းလည်း ဖြစ်ပါ၏။ ထိုကြောင့်(၁၂. ၈. ၁၅) နေ့က ဖြစ်ပွားခဲ့သော ပြည်ခိုင်ဖြိုး ပါတီအတွင်း ပြုပြင် ပြောင်းလဲရေးမှာ အာဏာသိမ်းခြင်း မဟုတ်၊ အသိမ်းခံထားရသော အာဏာကို ပြန်လည်ရယူ၍ အခြား တစ်ဦးတစ်ယောက်သို့ တာဝန် လွှဲပေးလိုက်ခြင်းသာ ဖြစ်ပါသည်။ အာဏာရှင်စနစ် အစပျိုးခဲ့သည်။ ၂၀၁၁-နောက်ပိုင်း အာဏာသုံးရပ် ဖြန့်ခွဲကျင့်စဉ်ကို မြန်မာတို့ ကျင့်သုံးခဲ့ကြသည်။ ရင့်ရင့်ကျက်ကျက်မရှိ ကြသေးသော်လည်း၊ အတော်အတန် ကျင့်သုံးနိုင်ခဲ့ကြသည်။ အာဏာသုံးပါးကို ခွဲခြားကျင့်ကြံရန် ဖြစ်သော်လည်း ဥပဒေပြုရေးဘက်တွင် တစ်စတစ်စ အာဏာနီ ကျင့်ကြံမှု အားကောင်းလာပြီဟု အမတ်မင်းများထဲပင် ဆိုလာကြသည်။ နိုင်ငံရေး ဝေဖန်ကြသူ အချို့ကလည်း ဤအချက်ကို ထောက်ပြ ခဲ့ကြပါသေးသည်။ ဥပဒေပြုရေး ကဏ္ဍတွင် Law Making Power ဟူ သော ဥပဒေပြုသည့် ပါဝါသာရှိပါ၏။ အုပ်ချုပ်ရေးမှာ ကဲ့သို့ Executive Power မျိုး ၊ တစ်နည်းအားဖြင့် (Firing Power) မျိုး ပေးမထားပေ။ သို့သော်လည်း ဥပဒေပြုရေး အနေဖြင့် တစ်စနှင့် တစ်စ Executive Power ကို တိုးချဲ့ အသုံးပြုလာသည်ကို တွေ့လာရပါ၏။ လုပ်ဖော် ကိုင်ဖက်များဟု သဘောထားသော သမ္မတကို ပါတီတွင်းမှ ဖယ်ရှားရေး ကြိုးစားမှုများ တဖြည်းဖြည်း တိုးမြှင့်လာသည်။ ထို့အပြင် သမ္မတအား ဤပထမ သက်တမ်း အတွင်းမှာပင် စွပ်စွဲပြစ်တင်၊ Impeachment ပြုလုပ်ရန် ကြိုးစားလာသည်ကို တွေ့ရသည်။ သမ္မတကို တပ်မတော်က ထောက်ခံထားသည် ဖြစ်၍ များစွာ ချိန်ဆနေရဟန်သာ ရှိသည်။ သို့မဟုတ်ပါက အစောကြီးကတည်းက သမ္မတကို ဖယ်ရှားထားပြီးသား ဖြစ်နေနိုင်ပါသည်။ ဥပဒေစိုးမိုးရေးဟု ဆိုသော်လည်း ပြည်သူ့ လွှတ်တော် ဥက္ကဋ္ဌသည် ဥပဒေကို လိုက်နာခြင်း မရှိခဲ့ချေ။ ဖွဲ့စည်းပုံ အခြေခံ ဥပဒေခုံရုံး၏ အဆုံးအဖြတ်ကို မနာခံဘဲ ခုံရုံးကိုပင် စွပ်စွဲပြစ်တင် ဖြုတ်ချခဲ့သည်။ ဥပဒေပြုသူက အကျိုးစီးပွားအတွက် ဥပဒေကို ဘာမထီ ချိုးဖောက်လိုက်ခြင်း ဖြစ်သည်။ များစွာ အရုပ်ဆိုး အကျည်းတန်ခဲ့ပါသည်။ အရေးကြီး အဆိုများကို အင်္ဂါရပ်နှင့်မညီ မိမိဆန္ဒသဘောဖြင့် လိုအပ်လျှင် လိုအပ်သလို အရေးကြီး အဆိုများ တင်သွားခဲ့သည်။ ဥပဒေ နားလည်သူများက ထောက်ပြပြီး၊ နိုင်ငံရေး လေ့လာသူများက သတိပေးနေသည့် ကြားကပင် အရေးစိုက်ရန် မလိုဟူသော သဘောထားဖြင့်လား မသိ။ အရေးကြီး အဆိုကိုလိုလျှင် လိုသလို တင်သွင်း စေခဲ့သည်။ ဖွဲ့စည်းပုံ အခြေခံ ဥပဒေကို ချိုးဖာက်ခြင်း ဖြစ်ပြန်သည်။ ၀န်ထမ်းများ ခန့်အပ်ခြင်း၊ လစာတိုးခြင်း၊ ပြောင်းရွှေ့ခြင်း စသည်များမှာ အစိုးရများ လုပ်ရမည့် အလုပ်ဖြစ်သော်လည်း ဦးသိန်းစိန်၏ သဘောဆန္ဒမပါ။ ဥပဒေပြုရေးဘက်က စိတ်တိုင်းကျ ဆောင်ရွက် ခဲ့ပြန်ပါသည်။လွှတ်တော်တွင်း ကိုယ်စားလှယ်များ ဆွေးနွေးနေစဉ် ဘ၀င်မကျသူကို ဆွေးနွေးမှု ရပ်တန့် ခိုင်းသည်များပင် ရှိလာခဲ့ပါသည်။ (Legislative Power) ကို တလွဲသုံး၍ သမ္မတအား ပြည်ခိုင်ဖြိုး ပါတီတွင်းမှ ဖယ်ရှားရေး၊ သမ္မတအဖြစ် ပြန်လည် အရွေးမခံနိုင်ရေး အထိပင် ကြိုးစားခဲ့ပါ၏။ တပ်မတော်ကို ပြည်သူတို့ လက်ညှိုးထိုးအောင် မလုပ်သင့်သော မဲခွဲမှုကို အတင်းအကျပ် လုပ်ဆောင်ခဲ့ပြန်သည်။ သမ္မတကို ၀န်ကြီးများ ရိုသေကြပါ၏။ သို့သော် မကြောက်ရွံ့ကြ။ ပြန်လှန် ဆွေးနွေး၍ ရသည်။ လွှတ်တော်တွင် ပြည်သူ့ လွှတ်တော် ဥက္ကဋ္ဌ၏ မျက်နှာအမူအရာကိုသာ ကြည့်နေကြရသည်။ သမ္မတထက် များစွာ ပိုကြောက်ရွံ့ နေကြရသည်ဟု ဆိုကြသည်။ ‘စိတ်တော်သိ’ ယဉ်ကျေးမှုမှာ လွှတ်တော်အတွင်း တဖြည်းဖြည်း အားကောင်းလာပြီဟု လွှတ်တော် ကိုယ်စားလှယ် များထဲမှပင်ပြန်၍ သတိပေးမှုများ ရှိလာခဲ့ပါသည်။ ဆိုရလျှင် ပြည်သူ့ လွှတ်တော်သည် အမျိုးသား လွှတ်တော်နှင့် မတူဘဲ သီးသီးခြားခြား အာဏာရှင်စနစ် ခေါင်းထောင်လာခဲ့ပြီး၊ အာဏာနီ တည်ဆောက်မှုများ တိုးပွား လာသည်ကို တွေ့လာရပါသည်။ ဥပဒေကို အကျိုးစီးပွား အတွက် အသုံးချခဲ့သည်။ ဖွဲ့စည်းပုံ အခြေခံ ဥပဒေအရ သမ္မတတာဝန် ထမ်းဆောင်နေစဉ် အတွင်း မိမိပါတီ၏ ကိစ္စရပ်များကို ဆောင်ရွက်ခွင့် မရှိစေရဟု ပြဋ္ဌာန်ထားပါသည်။ ဤအချက်ပေါ် အခွင့်ကောင်းယူ၍ ဥပဒေကို အသုံးချကာ မိမိတို့၏ အကျိုးစီးပွားကို ပုံဖော်ခဲ့ကြသည်ဟု မြင်သည်။ Letter of Law နှင့် Spirit of Law ကို ခွဲခြားနိုင်လျှင်များစွာ ရှင်းလင်းလှပါသည်။ ဥပဒေ၏ အနှစ်သာရအရ သမ္မတ၏ အရှိန်အ၀ါဖြင့် သူ၏ပါတီကို မလျော်သြဇာသုံး၍ အကျိုး ကျေးဇူးမဖြစ်ရန် ဟန့်တားခဲ့ခြင်းမျှသာ ဖြစ်သည်။ ထို့ထက်မပိုချေ။ ပါတီတစ်ခု အတွင်း CEC, EC နေရာချထားမှုနှင့် ရွေးကောက်ခံ ကိုယ်စားလှယ်များ သတ်မှတ်ခြင်းသည် များစွာ အရေးကြီးသည့် ကိစ္စဖြစ်ပြီး၊ ပါတီဥက္ကဋ္ဌ၏ သဘောထားကို ရယူရပါမည်။ ယခုပါတီဥက္ကဋ္ဌ၏ သဘောထားကို ရယူခြင်း မရှိသည့်အပြင် ပါတီဥက္ကဋ္ဌနှင့် ၀န်ကြီးများ ကိုယ်တိုင် မိခင်ပါတီမှ ၀င်ရောက် အရွေးခံခွင့် ဆုံးရှုံးနေကြရသည့် အဖြစ်သို့ ရောက်ခဲ့ကြသည်ကို ဆောင်းပါးများစွာတွင် ဖော်ပြထားပြီး ဖြစ်၍ အကျယ် မရေးလိုတော့ပါ။ ထို့ထက်ပို၍ CEC အချို့ကို ဘေးထုတ်လိုက်ကြောင်း တွေ့ရပြီး၊ တိုင်းဒေသကြီး/ပြည်နယ် ၀န်ကြီးချုပ်များလည်း မျက်ခုံး လှုပ်နေကြသည့် အခြေအနေ ဖြစ်လာခဲ့ပါ၏။ မိမိ၏ လူများဟု ယူဆထားသူများကိုသာ ရွေးကောက်ခံ နေရာချထားပြီး၊ သမ္မတ၏ လူဟုယူဆသူများကို အနည်းငယ်သာ လက်ခံခဲ့သည်ကို တွေ့ရသည်။ ပြည်ခိုင်ဖြိုးပါတီ၏ အကျိုးတစ်ခုတည်း အပေါ်မှာသာ မှန်ကန်စွာ ကြည့်ရှု ရပ်တည်ခဲ့လျှင် All Inclusive ကို ကျင့်သုံးနိုင်ရမည်ဟု မြင်ပါသည်။ လက်တွေ့တွင်ကား ထိုသို့မဟုတ်။ အမျိုးသား ရင်ကြားစေ့ရေးဟု ဆိုထားသော်လည်း ပါတီတွင်း ရင်ကြားစေ့ရေးကိုပင် မဆောင်ရွက် နိုင်တော့ဘဲ ပါတီတွင်း ‘ရန်-ငါ’ ခွဲခြားမှုပို၍ အရှိန်ကောင်းလာမည်ကိုသာ တွေ့ရပါ၏။ အတော်များများ နိုင်ငံရေး ပါတီများက ကိုယ်စားလှယ် အမည်များ ပြုစု ပြီးထားကြသော်လည်း ပြည်ခိုင်ဖြိုး ပါတီတွင်း ညှိနှိုင်း မရနိုင်သေးမှုက ရွေးကောက်ပွဲ သတ်မှတ်ချိန် နီးလာသည် အထိ ပြေလည်မှု မရသေးသည့် သဘောဖြစ်ပြီး၊ ထိုသတင်းက ပြင်ပသို့ ကျယ်ကျယ်ပြန့်ပြန့် ထွက်လာခဲ့ပါ၏။ သက်ရောက်မှု အချို့ရှိလာမည်။ များစွာ သင်ခန်းစာယူဖွယ်ရာ ကောင်းသည်ဟု ဆိုရပါလိမ့်မည်။ မြန်မာတို့ အကျိုးစီးပွား အခြေပြု အင်အား ကြီးမားဆဲ ရှိနေသေးသည်ကို တွေ့နေရပါသေးသည်။ ပြည်ခိုင်ဖြိုး ပါတီတွင်း ဖြစ်ပျက်မှုက လာမည့် ရွေးကောက်ပွဲကို မထိခိုက် နိုင်စေသော်လည်း၊ ရွေးကောက်ပွဲ ရလဒ်အပေါ် တစ်စုံတစ်ရာ သက်ရောက်မှု ရှိစေမည် ကတော့ အမှန်ပင်။ ပါတီတွင်း စည်းရုံးရေး ကောင်းစွာ မလုပ်နိုင်သော ပါတီကို ပြည်သူတို့ ယုံကြည်မှု တစ်စုံတစ်ရာ လျော့ကျမည် ကတော့အမှန်ပင်။ သုတေသနများ အရ ဦးသိန်းစိန် အပေါ် ထောက်ခံမှု (၇) ရာခိုင်နှုန်းနှင့် ဦးရွှေမန်း အပေါ် ထောက်ခံမှု တစ်ရာခိုင်နှုန်းဟု ဆိုထားသော်လည်း၊ ဦးရွှေမန်းကို ထောက်ခံသူများ၏ မဲများ ပြည်ခိုင်ဖြိုး ရရှိရန် မသေချာတော့ပါ။ ထိုမဲများက အခြား ပါတီတစ်ခုခုသို့ ရောက်သွားကြပါလိမ့်မည်။ ပြည်ခိုင်ဖြိုး ရရှိနိုင်သော မဲအရေအတွက် တစ်စုံတစ်ရာ ကျဆင်းပါလိမ့်မည်။ စစ်တမ်းများအရ ပြည်ခိုင်ဖြိုးမှ NLD ကို အောင်နိုင်ရန် မလွယ်ကူပါ။ ယခုအခြေအနေက ပြည်ခိုင်ဖြိုး ရရှိနိုင်မည့်မဲကို ပို၍အကျပ်အတည်း တွေ့စေပါလိမ့်မည်။ ကံကောင်းသည်က NLD အတွင်း၌လည်း ကြီးကြီးမားမား ပြဿနာများ ရှိနေသည်ဖြစ်ရာ NLD ကို ၁၉၈၈-မှ ယနေ့အချိန်အထိ အမြင့်မားဆုံးသော စိန်ခေါ်မှု ဖြစ်စေခဲ့ပြီး ယုံကြည်မှု အနိမ့်ဆုံးသို့ ကျနေသော အချိန်နှင့် တိုက်ဆိုင်နေပြန်ပါသည်။ ထိုမဲများသည် ပြည်ခိုင်ဖြိုးမဟုတ်၊ NLD မဟုတ်သော တတိယ အင်အားစု ပါတီများထဲ စီးဝင်သွားနိုင်ပါသည်။ ဆိုရလျှင် ပြည်ခိုင်ဖြိုးသည် လည်းကောင်း၊ NLD သည် လည်းကောင်း ယခင်ရလဒ်များကဲ့သို့ ပြတ်ပြတ် သားသား အနိုင်ရမှုမျိုးကို မမျှော်မှန်းနိုင်ကြတော့ချေ။ သို့သော်လည်း ပြည်ခိုင်ဖြိုးထက် NLD က အသားစီးရမြဲ ရရှိထားသည်ဟု ခြုံငုံ၍တော့ သုံးသပ်နိုင်ပါသည်။ ပြည်ခိုင်ဖြိုးအတွင်း ပဋိပက္ခများသည် လည်းကောင်း၊ NLD အတွင်း ပဋိပက္ခများသည် လည်းကောင်း လာမည့် ရွေးကောက်ပွဲ၏ မဲရလဒ်များကို တစ်စုံတစ်ရာ သက်ရောက်မှု ရှိလာနိုင်သည့် လက္ခဏာများက တဖြည်းဖြည်း ပို၍ ထင်ရှားလာခဲ့ပါသည်။ ထိုပါတီကြီး နှစ်ခုအနေဖြင့် အခြား မည်သည့် ပါတီများနှင့် မဟာမိတ် ပြုနိုင်မည် ဆိုသည့် ဆောင်ရွက်ချက်က ၂၀၁၅-၏ အဖြေတစ်ခုဟု မြင်လာရပါသည်။ ပါတီတစ်ခုသည် အခြားပါတီများ မယှဉ်သာအောင် အားကောင်းခဲ့လျှင် အာဏာရှင်စနစ်သို့ တစ်ဖန် ပြန်လည်၍ တွန်းပို့သလို ဖြစ်တတ်ပြီး၊ ပါတီအားလုံး မတိမ်းမယိမ်းဖြင့် အင်အားချည့်နဲ့ နေကြပြန်လျှင်လည်း ညွန့်ပေါင်းပုံစံဖြင့် ဖွဲ့စည်းကြမည် ဖြစ်ရာ ဖြစ်လာမည့် အစိုးရများမှာ Strong Government ဖြင့် အလှမ်း ဝေးနေပါလိမ့်ဦးမည်။ ပြည်ခိုင်ဖြိုးသည် လူအများ ငြီးငွေ့လာသော ပါတီဖြစ်ပြီး၊ NLD မှာမူ ဒေါ်အောင်ဆန်းစုကြည် အလွန် ကာလအတွက် စိုးရိမ်စိတ် ကြီးကြီးမားမား ရှိထားရသော ပါတီ ဖြစ်နေပြန်ပါသည်။ ပါတီတစ်ခုခုတွင် ထက်ထက်မြက်မြက် ရှိသော ခေါင်းဆောင် တစ်ဦးဦး ဦးဆောင်နိုင်ပါက မြန်မာ့ နိုင်ငံရေး အတွက် အလင်းတန်း တစ်ခု ဖြစ်လာနိုင်ဖွယ်ရာ ရှိပါသည်။ ထိုသို့ပါတီ သုံးလေးခုလောက် ဖြစ်ထွန်းလာဖို့ ကောင်းသည်။ သို့မှသာ မြန်မာ့နိုင်ငံရေး အနာဂတ်ကို ထိန်းထိန်း သိမ်းသိမ်းဖြင့် ပုံဖော်ထုဆစ် သွားနိုင်မှာ ဖြစ်သည်။ မည်သို့ဆိုစေ လောလောဆယ် ဖြတ်သန်းကြရမည်မှာ ၂၀၁၅-ရွေးကောက်ပွဲ ဖြစ်နေသည်။ နှစ်လကျော်မျှသာ လိုပါတော့၏။ ဤမျှနီးကပ်လာသည့် အချိန်အတွင်း အကြီးမားဆုံးသော ပါတီကြီး နှစ်ခုစလုံးက သူ့ပြဿနာနှင့် သူဖြစ်နေကြသည်မှာ ရွေးကောက်ပွဲ ရလဒ်အတွက် အားရဖွယ်ရာ မရှိချေ။ လောလောဆယ် လူအများ စိတ်ဝင်စား နေကြသည်မှာ ၂၀၁၅-ရွေးကောက်ပွဲထက် ပြည်သူ့ လွှတ်တော် ဥက္ကဋ္ဌဖြစ်သူ ဦးရွှေမန်း၏ အနာဂတ် ဖြစ်လာပါသည်။ ဦးရွှေမန်း အနေဖြင့် ပြည်သူ့ လွှတ်တော် ဥက္ကဋ္ဌ တွင်ဆက်လက်၍ ရှိနေမည်လား၊ ပြည်ခိုင်ဖြိုး၏ ဒုတိယဥက္ကဋ္ဌ ရာထူးတွင် မရှိတော့ဘဲ သာမန် ပါတီဝင် တစ်ဦးအဖြစ် လျှော့ကျသွားပြီ ဖြစ်၍ ပြည်ခိုင်ဖြိုးတွင် ဆက်ရှိနေဦးမည်လား ဟူသည့် အပေါ် အများက အတော် စိတ်ဝင်စားနေကြပါ၏။ အချို့ကလည်း ပြဿနာများ ရှင်းရှင်း လင်းလင်း ရှိလာသည့် အခါတွင် ဦးရွှေမန်းကို ဒေါ်အောင်ဆန်းစုကြည် က ခေါ်ယူ၍ ပါတီ ပြောင်းသွားနိုင်သည် ဟူသော သုံးသပ်ချက်များလည်း ရှိလာပါသည်။ ၂၀၁၅-တွင် ဖြူးမြို့နယ်၌ အမည်စာရင်း ပေးသွင်းထားသော ဦးရွှေမန်း အနေဖြင့် ရွေးကောက်ပွဲကိုပင် ဆက်လက် ယှဉ်ပြိုင်ပါဦးမည် လားဟူသော သိလိုသူများကလည်း မနည်းပါချေ။ ရွေးကောက်ပွဲ မယှဉ်ပြိုင်ခဲ့လျှင်မူ၊ သို့မဟုတ် ရွေးကောက်ပွဲ၌ အနိုင်မရလျှင်မူ ဦးရွှေမန်း အနေဖြင့် လွှတ်တော်တွင်း နေရာရစရာ မရှိတော့ပါချေ။ သို့သော်လည်း NLD အများစုအနိုင်ရပါက ဦးရွှေမန်း အနေဖြင့် Executive ဘက်တွင် နေရာတစ်ခု ရလာနိုင်စရာတော့ ရှိနေပြန်ပါသေးသည်။ မြန်မာ့နိုင်ငံရေးမှာ Alternative များ ယခင်ကထက် ပို၍ များလာသည် ကတော့ အမှန်ပင်။ မည်သို့ဆိုစေ စိတ်ဝင်စားဖွယ်ရာ ကောင်းလာခဲ့ပြီး၊ မြန်မာ့နိုင်ငံရေး ကံကြမ္မာ မည်သို့ အလှည့်အပြောင်းများ ဖြစ်လာမည်မှာ ပင့်သက် တရှိုက်ရှိုက် အခြေအနေ သို့တော့ ရောက်ရှိ တွန်းပို့ ခံလိုက်ရပါသည်…။ Credit By:The Messenger News နေဇင်လတ်

ဒေါင်းအိုးဝေ တွန်စေကစေသော်

ကျမ ခြင်္သေ့တွေနဲ့ပတ်သက်လို့ သိပ်ပြီး မကျွမ်းကျင်ဘူး။ ဒေါင်းတွေအကြောင်းပဲ ပြောပါရစေ။ ခွပ်ဒေါင်းတွေရဲ့ အဓိပ္ပာယ်က တိုက်ပွဲဝင်သင့်တဲ့အခါ တိုက်မယ်။ တိုက်မယ်ဆိုတာ နှလုံးရည်တိုက်ပွဲကို ဆိုလိုတာ။ ခြင်္သေ့တွေလို သွားတွေ၊ အစွယ်တွေတော့ မရှိဘူး။ ရွေးကောက်ပွဲနိုင်ရင်တော့ ကဒေါင်းတွေလည်း ထွက်မယ်။ ... အစိုးရဝန်ထမ်းတွေဆို နီးစပ်ရာဓားကို ကြောက်နေကြတယ် ပြောတယ်။ မလုပ်မရှူပ်မပြုတ် မူတွေနဲ့ပေါ့။ နီးစပ်ရာဓားတွေကို ကြောက်နေရမယ့်အစား ဒီစနစ်ကိုမရှိအောင်လုပ်ဖို့ NLD ကိုမဲပေးပါ" -ဒေါ်အောင်ဆန်းစုကြည် ဇမ္ဗူသီရိမြို့နယ်၊ နေပြည်တော် (30-Aug-2015)

အဖွဲ့ချုပ် ဥက္ကဌ ၏ ရွေးကောက်ပွဲအတွက် ပြည်သူများသို့ ပြောကြားသောမိန့်ခွန်း

အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည်၏ တိုက်တွန်းနှိုးဆော်ချက် နိုဝင်ဘာလ (၈) ရက်နေ့မှာ ကျင်းပမယ့် အထွေထွေ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်က ပါဝင်ပြီးတော့ ယှဉ်ပြိုင်မှာ ဖြစ်ပါတယ်။ ဒီလို ယှဉ်ပြိုင်ရခြင်းဟာ ရွေးကောက်ပွဲမှာ ပြည်သူလူထုရဲ့ ဆုံးဖြတ်ချက်ကို လက်ခံဖို့ပဲ ဖြစ်ပါတယ်။ ဒီမိုကရေစီ ဆိုတာဟာ ပြည်သူ့ရဲ့ ဆုံးဖြတ်ချက်၊ ပြည်သူ့ရဲ့ ဆန္ဒကို အလေးထားရတဲ့ စနစ်ပါပဲ။ ဒါကြောင့်မို့လို့ နောက်ဆုံးကျတော့ ပြည်သူကသာလျှင် ဆုံးဖြတ်မှာ ဖြစ်ပါတယ်။ အမျိုးသားဒီမိုကရေစီအဖွဲ့ချုပ်ဟာ စစ်မှန်တဲ့ ဖက်ဒရယ်ပြည်ထောင်စု ထူထောင်ဖို့ အတွက် ကြိုးစားခဲ့တာ ဆိုလို့ရှိရင် အနှစ် (၃၀) နီးပါး ရှိပါပြီ။ အခု အထိ ပန်းတိုင်ကို မရောက်သေးပါဘူး။ သို့သော်လည်း ပြည်သူရဲ့ ထောက်ခံမှုနဲ့ ပြည်သူရဲ့ ဆန္ဒရဲ့ တွန်းအားနဲ့ ကျွန်မတို့ အောင်မြင်နိုင်မယ် ဆိုတာကို အဓိက ယုံကြည်ပါတယ်။ အခု အချိန်မှာ အရေးကြီးတာကတော့ ကျွန်မတို့ ပြည်သူ လူထု အားလုံးဟာ ရွေးကောက်ပွဲမှာ မဲပေးပိုင်ခွင့် ရဖို့နဲ့ ရွေးကောက်ပွဲနေ့ ရောက်တဲ့ အခါ သွားပြီးတော့ မဲပေးဖို့ ပါပဲ။ မဲပေးတဲ့ အခါကျလို့ ရှိရင်လည်း ကျွန်မတို့ နိုင်ငံရဲ့ အနာဂတ်၊ ကျွန်မတို့ မျိုးဆက်သစ်တွေရဲ့ အနာဂတ်ကို စဉ်းစားပြီး မဲပေးကြပါ။ ရှေ့ကို မျှော်ကြည့်ပြီးတော့ ပြောင်းလဲချိန်တန်တဲ့ အခါမှာ ပြောင်းလဲဖို့ ၀ိုင်းဝန်းပြီးတော့ ကူညီကြပါလို့ ကျွန်မ အနေနဲ့ တိုက်တွန်း နှိုးဆော်ချင်ပါတယ်။

အချစ်နဲ့ရှင်သန်မှူ အမှတ်တရ Photo

အချစ်နဲ့ဘုရားဖူးသွားတုံးက အချစ်ကို အမှတ်တရရိုက်ပေးထားတဲ့ပုံလေးတွေ

NLD (Flag Campaign)

အမျိုးသားဒီမိုကရေစီအဖွဲ့ချုပ် ဆိပ်ကမ်းမြို့နယ်အတွင်း ပါတီစည်းရုံးရေး လုပ်ငန်းစဉ် အဖြစ် ပါတီဝင်များမှ ပါတီအလံငယ်များ ဝေငှခြင်းများကို ပြုလုပ်ခဲ့ကြသည်

မဟုတ်မဟက်လုပ်ရပ်တွေ ရပ်ပါတော့

အခုရက်ပိုင်း ရန်ကုန်မြို့နေ လူလတ်တန်းစားတွေအတွက် စိတ်ဝင်စားဖို့ကောင်းတဲ့ သတင်းတစ်ပုဒ်ကတော့ ကိုယ့်ကားကို ကိုယ့်ပါကင်မှာ မရပ်တဲ့ ကား ၄၇ စီး ဖမ်းဆီး အရေးယူခံ ရတဲ့ ကိစ္စပါ။ ရန်ကုန် စည်ပင်ကတော့ ဥပဒေထဲက စာသားတွေကို ရွတ်ဆိုပြီး သူတို့ကို ဒဏ်ငွေ ကျပ် တစ်သောင်းကနေ ၅ သိန်းအထိ တပ်ရိုက်မယ်၊ ပြင်းပြင်းထန်ထန် အရေးယူမယ်လို့ ဆိုပါ တယ်။ ခုလို ဖမ်းဆီးအရေးယူ ဒဏ်ရိုက်ခံရတဲ့ ပြည်သူတွေအတွက် ဘယ်လောက် မခံချင်စရာ ကောင်းမလဲ တွေးကြည့်ရုံနဲ့ ကိုယ်ချင်းစာနိုင်ပါတယ်။ ဒီလို အဓိပ္ပာယ်မဲ့တဲ့ စည်းကမ်းချက်တွေကို သတ်မှတ်၊ မတရားဖမ်းဆီး အရေးယူခံ ရတာကို အာဏာပိုင်တွေရဲ့ မျက်ကွယ်မှာ ဆဲဆိုရုံမှ တစ်ပါး ဘာမှ မတတ်နိုင်ကြတော့ဘူးလား။ အာဏာပိုင်တွေရဲ့ အခုလုပ်ရပ် အဓိပ္ပာယ် ရှိပါရဲ့လား၊ ပြည်သူ တွေ အနေနဲ့ ဘယ်လိုတုန့်ပြန်လို့ ရနိုင်မလဲ ဆိုတာ ခုတစ်ပတ် ဆွေးနွေး တင်ပြသွားပါ့မယ်။ အားလုံးသိကြပြီဖြစ်တဲ့အတိုင်း အစိုးရဟာ ရန်ကုန်နေပြည်သူတွေ တစ်ဦးချင်း ကားတင် သွင်းခွင့်နဲ့ ပတ်သက်ပြီး စည်းကမ်းချက် အသစ်တစ်ခု ချမှတ်ထားခဲ့ပါတယ်။ အဲဒါကတော့ ကိုယ် ကိုယ်တိုင် ပိုင်ဆိုင်တဲ့ ကားပါကင်နေရာရှိမှ ကားတင်သွင်းခွင့်ပြုမယ် ဆိုတာမျိုးပါ။ အကြောင်းပြ ချက်ကတော့ ရန်ကုန်မှာ ကားတွေ တအားများနေတယ်၊ ကားတွေ အလွန်ကြပ်နေတယ်၊ ဒါကြောင့် ရန်ကုန်လိုင်စင် ကားအရေအတွက် လျှော့ချနိုင်အောင် ခုလိုအစီအစဉ်တွေ လုပ်ရတာလို့ ဆိုပါတယ်။ အဓိပ္ပာယ်ကတော့ မြောက်ဒဂုံလို၊ သံလျင်လို ကိုယ့်ခြံဝိုင်းလေးနဲ့ ကားပါကင်အတွက် မြေနေရာရှိသူတွေပဲ ကားတင် သွင်း၊ ရန်ကုန်မြို့လယ် ဧရိယာမှာ နေထိုင်သူတွေ လုံးဝ ကားမတင် သွင်းနဲ့ဆိုတဲ့ အဓိပ္ပာယ် ပေါက်ပါတယ်။ ဒီလောက် စဉ်းစားတတ်ရင်ပဲ ဒီစည်းကမ်းချက် လုံးဝအဓိ ပ္ပာယ် မရှိဘူးဆိုတာ နားလည်နိုင်လောက်ပါတယ်။ ကောင်းပါပြီ။ရန်ကုန်မြို့လယ် ဧရိယာပြင်ပမှာ နေထိုင်တဲ့ သူ၊ ကားပါကင် မြေနေရာ ရှိသူ တွေကရော သူတို့ ကားတင်သွင်းပါပြီတဲ့၊ အဲဒီကားဟာ သူ့အိမ်ဝိုင်းမှာပဲ အမြဲတမ်း ညသိပ်ရမှာ လား၊ တစ်ခါတစ်ရံ မြို့ထဲသွားမယ်၊ မြို့ထဲက လွတ်နေတဲ့ ကားပါကင်တစ်ခုခုမှာရော သူ့ကားကို ရပ်လို့ မရဘူးလား၊ ညအိပ် ထားခွင့်မရှိဘူးလား မေးစရာ ရှိလာပါတယ်။ အာဏာပိုင်တွေကတော့ ပြောမှာပါ။ မရပါဘူး ဆိုပြီး။ ဒါဆိုရင် မြို့ထဲမှာ ဘာ ကားပါကင်ထောက်ခံချက်မှ မရှိဘဲ သွင်းထား တဲ့ ကား အများစုကြီးကရော ဘာအကြောင်းကြောင့် ရပ်ချင်ရာ ရပ်လို့ ရတာလဲ မေးစရာ မေးခွန်း ရှိလာမှာပါ။နောက် တစ်ချက် ကားပါကင်ရှိလို့ ကားတင်သွင်းထားသူ တစ်ယောက်ကရော အဲဒီ ကားကို တစ်သက်လုံး စီးရမှာလား။ မရောင်းစားရ၊ ကားကို မလဲရတော့ဘူးလား။ ကားကို ပြန် ရောင်းမယ် ဆိုရင် မြို့လယ် မှာနေသူကို ရောင်းလို့ မရတော့ဘူးလား။ ကားရောင်းရင် ကားပါကင် မြေနေရာကိုပါ “မ” ပြီး ရွှေ့ပေးရတော့မယ့်ပုံ ပေါက်နေပါတယ်။ ဒီလောက် အသိဉာဏ် ဆင်ခြင်တုံ နည်းတဲ့ အတွေးအခေါ်ကို တင်သူက တင်၊ အတည်ပြုသူက ပြု၊ အကောင်အထည်ဖော်သူက ဖော်၊ ဟော ခုနောက်ဆုံး ဒုက္ခပေးသူက ပေးပါတယ်။ နောက်ဆုံး လူတကာသိတဲ့ လျှို့ဝှက်လုပ်ငန်းတွေ ပေါ်လာပါတယ်။ ကားပါကင်မြေနေရာ ငှားတာ၊ ရောင်းတာ လုပ်တဲ့လုပ်ငန်းပါ။ ကားသွင်းမယ့် ပုဂ္ဂလိက ပြည်သူတွေဟာ ဒီအလုပ်တွေကို ဘယ်သူကမှ စိတ်အညစ်ခံ၊ အချိန်ကုန်ခံပြီး လိုက်လုပ်မနေကြပါဘူး။ ကားသွင်းတဲ့ အကျိုးဆောင် ကုမ္ပဏီတွေကပဲ လုပ်ကိုင်ကြတာပါ။ အဲဒီမှာ ကားပါကင်နေရာ ရောင်းစားသူတွေ ပေါ်ပေါက်လာပါ တယ်။ အဲဒီ ပါကင်နေရာ အသိအမှတ်ပြုခွင့်ရဖို့ အောက်ခြေအာဏာပိုင် အဖွဲ့အစည်း အဆင့်ဆင့် မှာ လာဘ်ပေးလာဘ်ယူမှုတွေ ပေါ်လာပါတယ်။ ဒီလိုနဲ့ ရန်ကုန်က ကားဝယ်စီးမယ့် ပြည်သူတစ် ယောက် အနေ နဲ့ကားပါကင် မြေနေရာဖိုး ကျပ် ၃ သိန်းကနေ ၅ သိန်း အပိုကုန်ရတယ်ဆိုတဲ့ အားလုံးသိပြီးသား ဇာတ်လမ်း ထွက်လာပါတယ်။ ကားဝယ်သူတွေဟာ အဲဒီကားပါကင်မှာ နေတဲ့လူတွေ မဟုတ်သလို၊ ကား ကို တစ်နေကုန်သုံး၊ ညနေကျရင် အဲဒီကားပါကင်မှာ သွားသိပ်၊ ကိုယ်ကတော့ Taxi နဲ့ ကိုယ့်အိမ်ကိုယ်ပြန်၊ မနက်ကျရင် အလွန်ဝေးတဲ့ ကားပါကင်နေရာကို Taxi နဲ့သွားပြီးမှ ကားကိုယူမောင်းဆိုတဲ့ ရူးသွပ် တဲ့ အလုပ်မျိုးကိုလည်း ဘယ်ပြည်သူတစ်ယောက်မှ မလုပ်ပါဘူး။ ပြောရရင် အာဏာပိုင်တွေက အဓိပ္ပာယ်မဲ့တဲ့ စည်းကမ်းတွေကို သတ်မှတ်လိုက်တဲ့ အတွက် ပြည်သူတွေကလည်း လိုက်နာနိုင်ခြင်းမရှိဘဲ အဆင်ပြေသလို လုပ်ကြရတာပါ။ အခု အဲဒီ ပြည်သူတွေကို နှိပ်ကွပ်နေပါပြီ။ အခု ကိုယ့်ကားပါကင်နေရာမှာ ကိုယ်မရပ်လို့ဆိုပြီး စည်ပင်က ဖမ်းတဲ့ ဥပဒေကတော့ ခုလိုပါ။ ရန်ကုန်မြို့တော် စည်ပင်အများပိုင်မြေများနှင့် အများပြည်သူပိုင် လမ်းမများပေါ်တွင် ခွင့်ပြုချက်မရှိဘဲ ရပ်နား ထားသည့်အတွက် စည်ပင်သာယာရေး ဥပဒေပုဒ်မ (၆၈) နဲ့ ဖမ်းဆီး တရားစွဲဆိုတာလို့ ဆိုပါတယ်။ ဖြစ်မှ ဖြစ်ရလေလို့ ဆိုရမလိုပါပဲ။ ပါကင်ပါမစ်နဲ့ သွင်းတာမဟုတ်ဘဲ ရှေ့က ရှိပြီးသား သိန်းနဲ့ချီတဲ့ ကားတွေကရော စည်ပင်ခွင့်ပြုချက် ရပြီးသားတွေလို့ မှတ်ယူရမှာ လားလို့ မေးလိုက်ချင်ပါတယ်။ အာဏာပိုင်တွေရဲ့ အခုလုပ်ရပ်ဟာ ဥပဒေကို လိုသလိုသုံးပြီး ပြည်သူကို နှိပ်ကွပ်တာပါ။ တကယ့်ကိုပဲ ပါကင်ပါမစ်နဲ့ သွင်းလာတဲ့ကားတွေ သူ့နေရာ သူမရပ် တာကို အရေးယူချင်တယ်ဆိုရင် အဲဒီကားတွေနဲ့ ပတ်သက်တဲ့ ဥပဒေ သီးသန့်ပြဋ္ဌာန်းဖို့ လိုပါလိမ့် မယ်။ ပြီးရင် အဲဒီဥပဒေ ပြည်သူတွေသိအောင် ရှင်းရှင်းလင်းလင်း ထုတ်ပြန်ရပါလိမ့်မယ်။ အခု တော့ အဲဒီလိုမလုပ်ဘဲ ကိုယ်တပ်ချင်တဲ့ ပုဒ်မတပ်ပြီး အရေးယူချင်သလို အရေးယူပြတာမျိုး ဖြစ်နေပါတယ်။ တကယ်တော့ အစိုးရအဖွဲ့ရဲ့ အဲလို မလျော်မကန် လုပ်ရပ်ကို ပြည်သူတွေ ဘာမှပြန်မပြော နိုင်ဘဲ ခေါင်းငုံ့ခံနေရတဲ့ အနေအထားမျိုးပါ။ အားလုံးသိကြသလို ရန်ကုန်လွှတ်တော် ဆိုတာက လည်းဒေါ်ညိုညို သင်းတို့ နှစ်ယောက် သုံးယောက်ကလွဲရင် ကျန်တဲ့အမတ်အားလုံး လက်ညှိုး ထောင် ခေါင်းညိတ်တွေဖြစ်ပြီး ဟန်ပြသာသာလောက်ပဲရှိတဲ့ လွှတ်တော်ပါ။ ပြည်သူတွေအပေါ် ခုလို အဓိပ္ပာယ်မဲ့တဲ့ စည်းကမ်းတွေထုတ်၊ ကိုယ်လိုရာ ဥပဒေနဲ့ ဖမ်းဆီးအရေးယူတာမျိုးကို လွှတ်တော်ဘက်က ထိန်းညှိပေးဖို့ လုံးဝအားမကိုးရပါဘူး။ ဒီအတွက် အရည်အချင်း အလွန်နည်း တဲ့ ရန်ကုန်အစိုးရ၊ ရန်ကုန်စည်ပင် ဟာ ခုလိုပဲ အလွဲစီမံခန့်ခွဲမှုတွေ ဆက်ပြီး လုပ်နေဦးမှာပါပဲ။ ဒီအတွက် ပြည်သူတွေလုပ်နိုင်တာ တစ်ခုပဲ ရှိပါတော့တယ်။ အဲဒါကတော့ လာမယ့် နိုဝင်ဘာ ၈ ရက် ရွေးကောက်ပွဲပါ။ ရန်ကုန်အစိုးရ၊ ရန်ကုန် လွှတ်တော်၊ ရန်ကုန်စည်ပင် အားလုံးကို လွှမ်းမိုး ထားတာ ပြည်ခိုင်ဖြိုးပါတီပါ။ ခုလို တလွဲစီမံခန့်ခွဲမှုတွေနဲ့ ပြည်သူတွေကို ဖိနှိပ်နေတဲ့ လုပ်ရပ်တွေ ကို မကြိုက်ရင် ရွေးကောက်ပွဲမှာ ပြည်ခိုင်ဖြိုးပါတီကို မဲမပေးတဲ့နည်းကို စဉ်းစားရွေးချယ်ခွင့် ရှိနေပါ ကြောင်း သုံးသပ် တင်ပြလိုက်ရပါတယ်. . . .
credit: စည်သူအောင်မြင့်

မင်္ဂလာဒုံ NLD အောင်နှိုင်ရေးရုံး

မင်္ဂလာဒုံ NLD အောင်နှိုင်ရေးရုံး မှာ ရိုက်ထားတဲ့ ပုံလေး တွေပါ